११ औ धरान रनको अन्तिम तयारी, नायक दयाहाङ राई आउने
![](https://snowberry.prixacdn.net/media/gallery_folder/dharan-run_1w5nNbf7f1_fkrkriyek9lpj1wdyhwd1nqam8gnkxqtstaodne9qcs80ix7mvrcyw2kwyex.jpg)
धरान / देशकै सबै भन्दा बढी धावकहरू एकै साथ दौडने म्याराथन प्रतियोगिताको अन्तिम तयारी पुरा भएको छ । सर्वाधिक सङ्ख्यामा सहभागी हुने दौड प्रतियोगिता ११ औँ नेवा च्यारिटी धरान रन १० किमी २०७९ फागुन १३ गते हुने जनाइएकाे छ । धरान रनका अध्यक्ष रमु राईका अनुसार यो संस्करणमा प्रमुख आकर्षणको व्यक्तिको रूपमा नायक दयाहाङ राई र बिबिसी सेफका विजेता सन्तोष साहकाे सहभागिता रहनेछ । प्रमुख अतिथि धरानका मेयर हर्क साम्पाङ रहनेछन्।
आयोजकले यसपालि पहिलो पटक दौडमा चिप टाइमिङ सिस्टम प्रयोगमा ल्याउने पनि जानकारी दिएको छ । प्रत्येक धावक धाविकाहरूलाई चेस्ट नम्बरमा चिप लगाएर समय मापन गरिने अध्यक्ष राईले बताए । यसले कोही पनि दौडको बिचमा फास्ट ट्र्याकबाट दौडन नसक्ने र सही टाइमिङ देखिने उनले बताए । ह्विलचियर र १३ वर्ष मुनिकाबाहेक अन्य उमेर समूहका सहभागीहरूलाई चिप लगाउने अध्यक्ष राईले बताए । पेपरलेस बनाउने उद्देश्यले इ सेवासँग समन्वय गरेर अनलाइन फर्म भर्ने पनि व्यवस्था गरिएको उनले बताए । धरान रनमा नेपाल, भारत, हङकङ, बेलायत, जर्मन, कतार आदि मुलुकबाट धावक धाविकाहरूको सहभागिता रहेको छ । शिक्षाका निम्ति च्यारेटी दौड’ भन्ने मूल नाराका साथ प्रतियोगिता सुरु भएको हो ।
१० किलोमिटरको दौड प्रतियोगितामा नेपालभित्रका मात्र नभएर विदेशबाट पनि धावक धाविकाले सहभागिता जनाउने भएका छन् । अध्यक्ष राईका अनुसार हङकङ बङ्गलादेश, कतार , अफ्रिकन नागरिक मलेसियाबाट समेत दौडमा भाग लिनेछन्। यस्तै ,सहभागीहरूलाई प्रोत्साहन गराउन क्यान्सर रोगलाई जितेर आएका व्यक्तिहरू समेत दौडने छन् ।नेपालकै सर्वाधिक धावक धाविका दौडने उक्त च्यारेटी रनमा यस वर्ष ४ हजार धावक धाविकाले दौडने अनुमान गरिएको छ । हाल सम्म ३ हजार बढिले फर्म भरिसकेका छन्।
२ हजार धावकहरूलाई मेडल वितरण गरिनेछ । हङकङबाट ल्याइएको चाँदी रङ्गको उक्त मेडलमा मानिस कुदेको आकृति खोपिएको छ । धरानको इतिहासमा नै पहिलो पटक धरान रनले धावकहरूलाई प्रोत्साहन गर्नका लागी उक्त मेडल प्रदान गर्दै आएको छ ।मेडल भने अन्य उमेर समूहभन्दा बालबालिकाहरूलाई बढी प्रदान गरिनेछ । रनको विजेताको लागी भने सुरुवात देखि नै युकेबाट स्वर्ण, रजत र कांस्य पदक ल्याइने गरेको छ ।
नेवा च्यारेटी रनमा खुल्लातर्फ प्रथम, दोस्रो र तेस्रो हुने विजयी पुरुष र महिलालाई क्रमशः ६० हजार, ४० हजार र ३० हजार सहित मेडल प्रदान गरिने धरान रनका अध्यक्ष राईले जानकारी दिए ।
खुल्लाको प्रथम तर्फको नगद पुरस्कारमा १० हजार बढाइएको हो । यसका साथै १२ वर्ष, १६ वर्ष र भेट्रान तर्फ प्रथम, दोस्रो र तेस्रो हुने विजयी पुरुष र महिलालाई क्रमशः ७ हजार, ५ हजार र ३ हजार सहित मेडल प्रदान गरिनेछ भने सुपर भेट्रान र धरानको लोकल विजेतालाई उपहारहरू प्रदान गरिनेछ । हरेक वर्ष झैँ यस पटकको सम्मान कार्यक्रममा १३ औँ दक्षिण एसियाली खेलकुद सागमा पदक जित्न सफल धरानका खेलाडी तथा प्रशिक्षकहरूलाई सम्मान समेत गरिने भएको छ ।
![पेरिस ओलम्पिक भव्य उद्घाटन](https://snowberry.prixacdn.net/media/gallery_folder/perish%2520olymp_faYI2rO6sO_jojvpohiu5eiwbzaphjuzm0rgmymdn39slpf8vlc9cjf5wbitycbknhvd3tn_K7qAwEwpNy_rtx06lei4oowoalojkaxmmejd3fs7z8pd4rorw1csm7zyzr66jqzu51rpgcj.jpeg)
पेरिस ओलम्पिक भव्य उद्घाटन
![भारत महिला एशिया कपको फाइनलमा](https://snowberry.prixacdn.net/media/gallery_folder/India.jpg-20_3vhiAJf8uX_ye0l5iedtnmyy0lsgjbmjfdld4erkuw9s7migwsmetqhtpsaw8rypecqj1xu_YvchxmcpES_g38xsoyblmwsxedf7k14xu6uriomaxzz9arymahfdsjopk83fqaeutjgf7ub.jpg)
भारत महिला एशिया कपको फाइनलमा
![सन्दीपविरुद्ध मुद्धा अगाडी नबढाउन गौशाला- २६ को निवेदन](https://snowberry.prixacdn.net/media/gallery_folder/sandeep1-760x500_sjMT2QJaQ8_qzu9q0u141atqg3oxawcmx8v0vghqzbifa4f4r7swfrxp3xkmwmjnghf8lgb_s614afwtxT_h26acgqgeunakobxfdts06jek5fmyhxiqhrjwz21vzfbszvfywsfhplofabm.jpg)
सन्दीपविरुद्ध मुद्धा अगाडी नबढाउन गौशाला- २६ को निवेदन
![पेरिस ओलम्पिकको उद्घाटन आज](https://snowberry.prixacdn.net/media/gallery_folder/images.jpeg-1_tXCQ6EMfDm_tsrnijceyilvrtg3fgrejeryachuszwsnowgzclpgcqthscshksmwakj7kpr_jlnNeQui1L_9wbxphphku23dk2e6cth9txexnyv0846omtfgvam3zsvr9xs4f66xkxiae7g.jpeg)
पेरिस ओलम्पिकको उद्घाटन आज
![सन्दीप सम्मिलित भ्यानकुभर पहिलो खेलमा पराजित](https://snowberry.prixacdn.net/media/gallery_folder/sandeep-lamichhan_BkCJzTwqvp_3gsaaogxsmt5uozw7nixgc8cxynzsfrvn6mlfwdmin5k1izdydwjitsp80n9_jIC3szXnX9_wlujpnemmnngxghvx7ksvkdp9wmsbnl640h0edjwk38jrusmpnjnfrqjfghl.png)
सन्दीप सम्मिलित भ्यानकुभर पहिलो खेलमा पराजित
![आइपिएल फ़्रेन्चाइजीहरुले मेघा अक्सनअघि राखे तीन माग](https://snowberry.prixacdn.net/media/gallery_folder/IPL-.jpg-1_fzZoyHrRc4_bhv0dvqcxukbngy0krnnmeldfqj65xd0wdwf5tqvwz5e3hwv9i2wryidc70r_Bna0FiPmfb_uw7vedpvmjfi4vziwn9yhirs45svyuygel5m7rxpzetbl1qxki6nigaax7hu.jpg)
आइपिएल फ़्रेन्चाइजीहरुले मेघा अक्सनअघि राखे तीन माग
![पेरिस ओलम्पिकमा दर्शकले नियन्त्रण गुमाएपछि](https://snowberry.prixacdn.net/media/gallery_folder/Argentina_XTkl9IqavL_ar6c8tge47izpjgfwu2ghtjothayz3ixijdgftiana7tz6vlu5uetydnncgx_Ge24iSV3IY_4mueuafamsipg1eeljrlppkfjwfnvylczjju0cmqprljeflnpnfxwm0rodqd.png)
पेरिस ओलम्पिकमा दर्शकले नियन्त्रण गुमाएपछि
![फुटबल खेलाडी तथा प्रशिक्षक खड्काको निधन](https://snowberry.prixacdn.net/media/gallery_folder/football_6wDnWTEKyO_8rcsjjdrszwtxgr1n85bch95arhjpqat94k03ska7jwhgqnv4hbfph1udu3q_AwIUiMZC1H_fatfgtn3xafpbfw2lshtoyozekwgwk5p4m8ptim31fkuotn5bp8werinx7li.jpg)
प्रतिक्रिया