एनसेलको एनप्याब्सन र प्याब्सनसँग सहकार्यः अनलाइन कक्षाका लागि विशेष मासिक योजना
![](https://snowberry.prixacdn.net/media/gallery_folder/NPABSAN_Ncell_PABSON_kQD22QhUSt_ifftf3muxjlhb9fozamunzuzvwwrp8yymwzlaak79yfubvwl3lcf7sjtuqrq.jpg)
काठमाडौं / एनसेल प्राइभेट लिमिटेडले राष्ट्रिय निजि तथा आवासीय विद्यालय एसोसिएसन नेपाल (एनप्याब्सनंं) र निजि तथा आवासीय विद्यालय संघ (प्याब्सन) सँगको सहकार्यमा कोरोनाभाइरसको महामारीले गर्दा विद्यालयहरु बन्द भई अध्ययन अध्यापनमा असर परिरहेको हालको अवस्थामा अनलाइन कक्षा तथा सिकाइका लागि आकर्षक मासिक योजना ल्याएको छ ।
एनसेलले यो योजना अनलाइन कक्षाका लागि एनसेलको मोबाइल कनेक्टिभिटी प्रयोग गर्ने एनप्याब्सन र प्याब्सनको समझदारीका आधारमा ल्याएको हो । यस सहकार्यले विद्यार्थी, शिक्षक÷शिक्षिका र विद्यालयलाई मोबाइल ब्रोडव्याण्डमा पहुँच सुनिश्चित गर्ने उद्देश्य लिएको छ ।
यस मासिक योजनामा विद्यार्थी तथा शिक्षक÷शिक्षिकाले भ्वाइस, डेटा र एसएमएसको बन्डल सेवा प्राप्त गर्दछन् । विद्यार्थीले कर बाहेक मासिक रु २५० मा अनलाइन कक्षाका लागि आवश्यक पर्ने जुम, गुगल मिट र माइक्रोसफ्ट टिम्स प्रयोगका लागि २० जिबी डेटा, १ जिबी थ्रिजी÷फोरजी डेटा, २ जिबी फोरजी डेटा, सीयूजी नम्बरमा कल गर्न हरेक दिन १२० मिनेट टकटाइम, ५० मिनेट अन नेट टकटाइम र ५० अन नेट एसएमएस सेवा प्राप्त गर्दछन् ।
एनप्याब्सन र प्याब्सनसँगको सहकार्यका बारेमा आफ्नो धारणा राख्दै एनसेलका चीफ कमर्सियल अफिसर प्रदीप श्रीवास्तवले भने, “कोभिड–१९ ले शिक्षा क्षेत्र लगायत सबै क्षेत्रमा असर पारेको छ । साथै अध्ययन अध्यापनमा इन्टरनेट प्रविधिको प्रयोग बढेको छ । हामीसबै विस्तारै अबको ‘न्यु नर्मल’ सँग अभ्यस्त भइरहेका बेलामा दूरशिक्षा आवश्यकता बनेको छ र यसले प्रविधि र अनलाइन शिक्षाको महत्व स्पष्ट रुपमा दर्शाएको छ । देशको शिक्षा क्षेत्रमा डिजिटाइजेसन र इ–लर्निङमा योगदान पुर्याउनका लागि एनप्याब्सन र प्याब्सनसँग सहकार्य गर्ने अवसर पाएकोमा हामी हर्षित छौं ।”
एनप्याब्सन र प्याब्सन दुवै संस्थाले यो सहकार्यले विद्यार्थीहरुलाई डिजिटल माध्यमबाट इ–लर्निङमा सहयोग पुर्याउने बताएका छन् । एनप्याब्सनका अध्यक्ष ऋतु राज सापकोटाले भने “विद्यालयहरुमा पठनपाठन कहिले देखि संचालन हुने निश्चित नभएको हालको अवस्थामा अनलाइन माध्यमबाट विद्यार्थी र शिक्षक÷शिक्षिकालाई अध्ययन अध्यापनमा सहयोग पुर्याउनका लागि एनसेलसँग यस विशेष योजनामा हातेमालो गर्न पाउँदा खुसी छौं ।”
“कोभिड–१९ ले निम्ताएको यस महामारीले हालको शिक्षण प्रणालीलाई नाटकीय ढंगले परिवर्तन गरिदिएको छ र सिकाइका लागि विश्वव्यापी रुपमानै भर्चुअल लर्निङ्को ट्रेन्ड अप्रत्याशित रुपमा बढेको छ । विद्यालयहरुले हालका लागि भर्चुअल रुपमा नै कक्षाहरु संचालन गर्ने सरकारको नीतिमा यस सहकार्यले सहयोग पुर्याउने कुरामा हामी विश्वस्त छौं,” प्याब्सनका अध्यक्ष टीकाराम पुरीले भने ।
यस सहकार्यअनुसार एनप्याब्सन र प्याब्सनको सिफारिस पत्रका आधारमा सम्बन्धित विद्यालयका विद्यार्थी, शिक्षक÷शिक्षिकाहरूले यो योजनाबाट फाइदा लिन सक्छन् । सिमको स्वामित्व विद्यार्थी वा सम्बन्धित शैक्षिक संस्थाको नाममा राख्न सकिनेछ ।
![सुनिता र बुचलाई अन्तरिक्ष स्टेशनमा लिएर गएको यान खाली फर्कियो](https://snowberry.prixacdn.net/media/gallery_folder/Nasa.jpg-2_JIdcDbc4pk_dsoso4hgutdsdyaglwbi0yovles30cbmzwbpmqedzv8xp3cogo28m6pvso8w_AketeGtV91_otcbfxvsrtcls8sg8vtrblvgebfllr48no6pgqyqbot6aildhmfh5e4rviej.jpg)
सुनिता र बुचलाई अन्तरिक्ष स्टेशनमा लिएर गएको यान खाली फर्कियो
![देशैभरी चल्न थाल्याे टिकटक](https://snowberry.prixacdn.net/media/gallery_folder/tikto_4yorTZEqkf_8ajbwh9wkvvru4sglnenoswpz2osrcj15cxiduiytkh1m1owbzyrthdapmy8_I4AsRvpJ20_lompvgimufzfprbopsviklrndmu9llp6gvknku2v5od0py904xuudzzgde5c.jpg)
देशैभरी चल्न थाल्याे टिकटक
![एनसेलको लाइसेन्स पाँच वर्षलाई नवीकरण](https://snowberry.prixacdn.net/media/gallery_folder/Ncell_u5mBp0kbVW_nmnnfzrqhim0b2ksli1fvkfb9swkebsx5gshiu2deoezfgtbrbidturhai6j_iEjcMhsPIh_ahxhhbobv1lolfotsfodv1pkdzezwecec8xkyh5y2sgnt98jxomh5aw5fmqq.jpg)
एनसेलको लाइसेन्स पाँच वर्षलाई नवीकरण
![गुगलद्वारा ‘एआई इमेज जेनेरेसन मोडल’ अपडेट गरेको घोषणा](https://snowberry.prixacdn.net/media/gallery_folder/google_VFTACSS5LA_mstjzwggst09xxps3jy5dywgwlphuxukfs6wycksocux434laboduslmh0iu_eXK100JLc5_vzyloslgahljd1v5v2sekzw3czn8n38afixfsguoctqjoc9slqbbhkyon6li.jpg)
गुगलद्वारा ‘एआई इमेज जेनेरेसन मोडल’ अपडेट गरेको घोषणा
![एप्पलको ‘इट्स ग्लोटाइम’ इभेन्ट सेप्टेम्बर ९ मा, नयाँ आइफोन लन्च गर्दै](https://snowberry.prixacdn.net/media/gallery_folder/Apple.png_3V0EoIiaIj_lz1ybomiqil4krvbm6zblbafawldig2synzzjlmu4hkjetuibebhpobrn8qf_hZ40qdKUud_e2oq0qc9zw90jffg7kfwljqdur0miesvx1gfuoikdsm5eops7iqroeyt2nxk.png)
एप्पलको ‘इट्स ग्लोटाइम’ इभेन्ट सेप्टेम्बर ९ मा, नयाँ आइफोन लन्च गर्दै
![टेलिग्रामका मालिक डुरोभलाई फ्रान्स छोड्न प्रतिबन्ध](https://snowberry.prixacdn.net/media/gallery_folder/Durov.pn_2CKSCOJfEn_fc4ipl7f0a2msqxxynrclyxyfkgpdlhpobn4hs9vrem4ex82q9tlyly9stxj_ky4FnklkOs_wceqf8ivqcanteh47mh0eonzqo7exjg8zkd2ffzosxc5qup6mqluq5kmgxjh.png)
टेलिग्रामका मालिक डुरोभलाई फ्रान्स छोड्न प्रतिबन्ध
![एनसेलको लाइसेन्स नवीकरण गर्ने सरकारको निर्णय, ब्याजसहित चार किस्तामा रकम बुझाउने सुबिधा](https://snowberry.prixacdn.net/media/gallery_folder/Cabinet_6.jpg_jxMkvHYUkf_04m4ux6xebihhciqkg7jlv5tx3ewfcw0mhezammra5cvntonkqpxmcjp8czs_ztKG62Qpau_lifcrtswcrdwgqqyuk2zknpehmo1jhoz1er7f0gkglmui4uvybmtjbl4aio1.jpg)
एनसेलको लाइसेन्स नवीकरण गर्ने सरकारको निर्णय, ब्याजसहित चार किस्तामा रकम बुझा…
![यी शर्तहरू पालना हुनासाथ नेपालमा खुल्नेछ टिकटक](https://snowberry.prixacdn.net/media/gallery_folder/TikToK_aHY9ope1MF_hgkwcscdaaexj1ocdr4tgoeu8rthdhhmfhyddiccytlaqz0h9djxe76aquqx_zzuWNgJdu2_swgdsfvhqro102jrnxoy80skkkeszzffy8vgzxksfufxf2hvsys7j9nuwe6n.jpg)
प्रतिक्रिया