मोरङको बेलवारीमा घाँटी थिचेर आफ्नै बावुको हत्या, हत्यामा संग्लग्न छाेरा पक्राउ

मोरङ / मोरङको बेलवारीमा घाँटी थिचेर छाेराले आफ्नै बावुको हत्या गरेका छन् । बेलवारी नगरपालिका-९ डाँगा बजारका ३५ बर्षीय जय बहादुर खत्रीले ८० वर्षीय बावु दल बहादुर खत्रीको घाँटी थिचेर हत्या गरेका हुन् । आफनै बावुको हत्या गरेको अभियोगमा खत्रीलाई प्रहरीले पक्राउ गरेको छ ।

बुधवार राती साँढे १० बजेको समयमा खत्रीले आफ्नै बावु घाँटी थिचेर हत्या गरेको भन्ने खबर प्राप्त भएसंगै ईलाका प्रहरी कार्यालय बेलवारीबाट खटिएको प्रहरी टोलीले खत्रीलाई पक्राउ गरेको हो । मादक पदार्थ सेवन गरेर आएका खत्रीले घरायशी बिषयमा बिवाद गरेको र बिवादकै क्रममा घाँटी थिच्दा दल बहादुरको घटनास्थलमा नै मृत्यु भएको ईलाका प्रहरी कार्यालय बेलवारीले जानकारी दिएकाे छ ।

तपाईको प्रतिक्रिया