बेलबारीका पत्रकार गिरीमाथि आक्रमण,२ जना पक्राऊ

बेलबारी । बेलबारीका पत्रकार दिनेश गिरीमाथि शनिबार बेलका ८.३० बजे घरमै बसिरहेका बेला आक्रमण भएको छ । मोरङको बेलबारीमा स्थानीय युवाहरुको एक समूहले गिरीको घरमै पुगेर शनिबार राति छुरा,रड तथा ढुंगाले टाउकोमा प्रहार गरेका कारण उनी घाईते भई बिराटनगरस्थित नोबलेल अस्पताल लगिएको र उपचारपछि उनी आईतबार बिहान घर फर्किएका छन ।

सोही घटनामा संलग्न भएको आरोपमा स्थानीय बिशाल थापा सहित २ जनालाई पक्राउ गरिएको छ भने अन्य ब्यत्तिहरु फरार रहेको ईलाकार प्रहरी कार्यलय बेलबारीले जानकारी दिएको छ । आक्रमणमा संलग्न अन्यको पनि खोजी भइरहेको समेत जनाईएको छ । प्रेस युनियन मोरङका कोषाध्यक्ष समेत रहेका गिरी बेलबारीबाट प्रकाशित डिजिटल पत्रिका निरन्तरखबर डटकमका सम्पादक रहेका छन । गिरीले घटनामा संलग्नहरुका बिरुद्ध ज्यान मार्ने उद्योग अन्र्तगत मुद्धा दर्ता गर्ने जनाएका छन ।

यसरी भयो आक्रमण ?

घाईते पत्रकार गिरीले आफुमाथि ज्यान मार्ने नियतका साथ आक्रमण भएको बताएका छन । बेलुकाको खाना खाएर टेलिभिजन हेर्दै बसेका गिरीमाथि राति छिमेकी दाईले बोलाएको छ भन्दै छिमेकीको नाम लिएर बाहिर बोलाईएपछि बाहिर निस्किने क्रममा आफुमाथी प्रहार भएको उनले बताएका छन ।

उनी ढोका निस्किनासाथ मुखमा पट्टी बाँधेका एक युवाले उनीमाथी छुरा प्रहार गरे । उनले छुरा तर्काएपछि उनीमाथी रड प्रहार भयो । रडले टाउकोमा लागेपछि उनीमाथी फेरी अर्का युवाले ढुंगा बर्साए । संयोगबश ढुंगा ढोकामा लाग्यो । तर उनी टाउकोमा भएका प्रहारबाट भुइँमा ढले । यति गर्दा परिवारले थाहा पाएपछि हल्लाखल्ला गर्दा युवाहरु भागेका थिए ।

घटनालगत्तै थापा र अन्य उनका एक सहयोगीलाई पक्राउ गरी अनुसन्धान थालिएको प्रहरीले बताएको छ । गिरी आईतबार बिहान उपचारपछि घर फर्किएका छन । थापा सँग राम्रै सम्बन्ध भएका गिरीलाई शनिबार दिउँसो पनि थापा र उनका सहयोगीहरुले धम्की दिएका थिए ।

Purbeli TV

डेढ दशक बढी समयदेखि पत्रकारितामा क्रियाशिल बस्नेत पूर्वेली न्युजका सम्पादक हुनुहुन्छ ।

नरेन्द्र बस्नेतबाट थप

प्रहरी ईन्काउण्टर फेक की रियल ?

पुर्वमा तिजको लहर आयो बरि लै …..!

युवराजले लिए बेवारिसे नवजात शिशुको पालनपोषणको जिम्मा

कानुन तामाङलाई मात्र लाग्छ, प्रसाई र मार्सी चामल खाने लाई लाग्दैन ?

चिसाङमा पुल नबन्दा सास्ती, झोलुङगे पुलबाट जोखिमपुर्ण यात्रा गर्नुपर्ने बाध्यता (तस्विर तथा भिडियाे सहित)

भर्जिन कथा र भर्जिन लोकेशनमा पुरानो बुलेट

पहाडमा पहिराे तरार्इमा बाढीले जनजीवन आक्रान्त

बिबाहमा हुने फजुल खर्च कटाएर नेत्रहिनलाई सहयोग

जिब्रोले निधार छुने अच्चमका युवाको फिल्म खेल्ने रहर

खोला जव सुस्ताउँछ, स्थानीयको भोक र निन्द्रा हराउँछ

तपाईको प्रतिक्रिया