जोखिममा धरानका खोला छेउछाउका सुकुम्बासी बस्ती

धरान / बर्षाद्को समयसँगै धरानका सुकुम्बासी बस्ती जोखिममा पर्ने भए पनि क्षति न्यूनिकरणका लागि सम्बन्धित निकायले केही पहल नगरेको पाइएको छ । बर्षेनी बर्षाद्संगै आएको बाढीले सर्दु तथा सेउती खोलाको छेउछाउमा बस्ने सुकुम्बासी बस्ती बगाउने, मानवीय क्षति पु¥याउने भएपनि न त यस सम्बन्धमा धरान नगरपालिकाले चासो देखाएको छ न त दैवी प्रकोप व्यवस्थापन समितिले नै क्षति न्यूनिकरणमा चासो देखाएको छ ।

धरानमा सेउती र सर्दु खोलाको छेउमा बसोबास गर्ने सुकुम्बासीहरुको संख्या सुकुम्बासीहरुले निकालेको तथ्यांकमा धरान उपमहानगर पालिकाभित्र ६४ वटा वस्तीमा १५ हजार सुकुम्बासी रहेको र अहिले पाँचकन्या र विष्णुपादुकालाई समेत गाभिएपछि भने ७५ वटा सुकुम्बासी बस्ती १ सय वटा इकाई समिति रहेका छन् । जनसंख्याको हिसाबले २० हजार भन्दा बढी सुकुम्बासी बाढी पहिरोको जोखिममा रहेको नेपाल बसोबास बस्ती संरक्षण समाजका केन्द्रीय अध्यक्ष कुमार कार्कीले जानकारी दिनुभयो । उहाले जोखिमपूर्ण बस्तीको दीर्घकालीन समस्या समाधानको लागि राजनीतिक पार्टीका नेता तथा स्मबन्धित निकायमा जानकारी गराएपनि सुनुवाई नहुदा बर्षेनी सुकु्मबासी बस्तीबाट नै रकम उठाएर नियन्त्रण भइरहेको बताउनुभयो ।

धरान उपमहानगरपालिकाले यस सम्बन्धमा कहिल्यै चासो नदिएकै कारण जोखिम बर्षेनी बढ्दै गएको स्थानीय सुवास राईले बताउनुभयो । उहाले दीघकालीन समस्या समाधानको लागि पटक पटक जानकारी गराउन समेत सम्बन्धित निकाय वेखबर झै बन्ने गरेको आरोप लगाउनुभयो ।

जोखिमपूर्ण क्षेत्रको रुपमा सुकुम्बासीहरुले पाचकन्यामा ५ वटा वस्ती, धरानमा सर्दु खोलाले भेट्ने लोकतान्त्रिक वस्ती, नौलो बस्ती, प्रगतिमार्ग, सुनौलो गैरी टोल, विष्णु टोल, यलम्बर हाङ्छा टोल, सेउती खोलाले भेट्ने धरान १५ को बगरकोट जोखिमपूर्ण बस्तीको रुपमा लिने गरेका छन् ।

Purbeli TV

समसामयिक बिषयमा कलम चलाउनुहुने बस्नेत पूर्वेली न्युजका धरान सहकर्मी हुनुहुन्छ ।

गोविन्द बस्नेतबाट थप

सरकारले स्पष्ट नीति नल्याउदा पोषण विज्ञानमा अध्ययनरत विद्यार्थी वेरोजगार भएकाे गुनासो

मृगौला पीडित ज्ञानबहादुरलाई आर्थिक सहयोग प्रदान

धरानमा संविधान दिवस हर्षोल्लासका साथ मनाइयाे

धरानमा सिस्नो टिप्दै गरेकी वृद्ध महिलामाथि आक्रमण

भौगालिक दृष्टिकोणले विकट धरानको विष्णुपादुका बालमैत्री घोषणा

बालमैत्री घोषणासंगै धरान १४ मा बालबालिकाको सक्रियता बढ्यो

धरानमा प्रस्तुतिगृह अस्तव्यस्त, एउटै बेडमा दुईदेखि तीन जनासम्म पचार गराउन बाध्य

बीपीका चिकित्सक संसारकै उत्कृष्ट : राजदुत पुरी

समाजमा भएको महिला हिंसा, लागू औषध विक्री वितरणका विरुद्ध भूमिपथ टोलसुधार समिति

सुनसरीमा बलात्कारकाे घटना बड्दाे, बोर्डिङ्ग स्कुलका प्रिन्सिपल समेत बलात्कारमा संलग्न

तपाईको प्रतिक्रिया