खड्ग जोगीलाई नेपाल फर्काउन पहल सुरु

तेह्रथुम / फेदाप गाउपालिका–२ साबिक ओयाक्जुङ–८ मझुवाका खड्क बहादुर जोगीलाई दुबई जेलबाट छुटाउनका लागी पहल थालिएको छ । हत्याको आरोपमा दुबईको आबुधाबी जेलमा बिगत ५ बर्षदेखी थुनिएका जोगीलाई नेपाल फर्काउनका लागी बिभिन्न क्षेत्रमा संकलन गरिएको सहयोग ब्लड मनि मंगलबार परराष्ट्र मन्त्रालयमा बुझाईएको छ । खड्ग जोगी बचाउ अभियान मार्फत संकलित रकम मध्येबाट ६१ लाख ९४ हजार परराष्ट्रमन्त्री प्रदिप ज्ञावलीलाई बुझाईएको जोगी बचाउ अभियान मुल समिति अध्यक्ष दुर्गा प्रसाद गिरिले जानकारी दिनुभयो ।

समितीले आज मन्त्रालयमै पुगेर ब्लड मनि बुझाएको खड्ग जोगी बचाउ अभियानका अभियान्ता ईजराईयलमा कार्यरत देव बास्कोटाले टेलिफोन मार्फत जानकारी दिनुभयो । ब्लड मनि दुबईमा रहेको नेपाली दुतावासमा पठाई आवश्यक समन्वय गरेर जोगीलाई जेलबाट रिहा गरि नेपाल फर्काउन पहल सुरु गर्ने परराष्ट्र मन्त्रालयले जनाएको छ । रोजगारीको शिलशिलामा दुबई पुगेका जोगीलाई हत्याको आरोपमा त्यहाको अदालतले ५ बर्ष कैद र २ हजार दिराम नेपाली ६० लाख बढि रुपैया जरिवाना सुनाएको थियो ।

Purbeli TV

तपाईको प्रतिक्रिया

Loading…