उदयपुरमा मापसे गर्ने १० जनाको लाइसेन्समा प्वाल

उदयपुर / उदयपुरमा मादक पदार्थ सेवन गरी सवारी साधन चलाउने १० जनाको सवारी चालक अनुमति पत्र (लाइसेन्स) मा प्रहरीले प्वाल पारेका छन् ।
सोमबार रातिको समयमा मादक पदार्थ सेवन गरेर सवारी साधन चलाउने तथा मापसे सेवन गरेर होहल्ला गर्ने १० जनाको लाइसेन्सलाई जिल्ला प्रहरी कार्यालय उदयपुरले प्वाल गरेका जिल्ला प्रहरी कार्यालय उदयपुरका सूचना अधिकारी मानप्रसाद श्रेष्ठले बताए ।

उनका अनुसार जिल्ला प्रहरी कार्यालयबाट खटिएको प्रहरी टोली र ट्राफिक प्रहरीको सहितको संयुक्त चेकिङ्गमा मापसे गरेर सवारी साधन चलाउने र होहल्ला गर्नेलाई नियन्त्रणमा लिएर मंगलबार एक घण्टाको ट्राफिक नियम सम्बन्धि कक्षा समेत लिई सम्बन्धित नियम उलंघन गर्नेलाई जरिवाना सहित तिराई १० जनाको लाइसेन्समा प्वाल पारेर सम्बन्धित व्यक्तिको अभिभावकलाई जिम्मा लगाएको बताए । सोमबार २० जना मादक पदार्थ सेवन गरेर सवारी साधन चलाउनेको अभियोगमा पक्राउ परेका थिए ।

Purbeli TV

तपाईको प्रतिक्रिया