अवैध रुपमा गिट्टी बालुवा उत्खनन गर्दा गाउँ नै जोखिममा

उदयपुर / त्रियुगा नगरपालिका वडा नं. ८ र ९ को विचमा बग्ने सरस्वती खोलाको गिट्टी बालुवा अवैध रुपमा उत्खन्न गर्दा उत्तर टोल देउरी गाउँ नै जोखिममा परेका छन् । बैकल्पिक राजमार्ग निर्माण कम्पनी जेडआईइसी लामा एण्ड शर्मा जे.भि.ले अवैध रुपमा सरस्वती खोलाको गिट्टी बालुवा उत्खन्न गर्दा बाढीले धमाधम कटान गरिरहेपछि उत्तर टोल देउरी गाउँ नै जोखिममा परेका छन् भने अर्कोतर्फ डुवानको समस्या आएको छ ।

सरस्वती खोलाको उत्तरपट्टिको साइडमा मात्रै बाँध निर्माण भएको र दक्षित तर्फका गिट्टी बालुवा धरान–चतरा–गाईघाट–सिन्धुली–हेटौंडा सडक निर्माण जेडआईइसी लामा एण्ड शर्मा जे.भि. ठेक्केदार कम्पनीले अवैध रुपमा उत्खन्न गर्दा उत्तर टोल देउरी गाउँ बाढीको कटानले गाउँ जोखिममा परेको स्थानीय गुनानन्द चौधरीले बताए । उनका अनुसार सरस्वती खोलाको गिट्टी बालुवा अवैध रुपमा जेडआईइसी लामा एण्ड शर्मा जे.भि. ठेक्केदार कम्पनीले उत्खन्न गरेपछि बाढीको कटान र डुवानले गाउँले नै त्रसित भएका छन् । उनका अनुसार चार पाँच मिटर गहिराई पारेर खोलाको गिट्टी बालुवा उत्खन्न गर्दा उत्तर टोल देउरी गाउँमा बाढीको कटान र डुवानले कति खेर गाउँमा पस्छ र क्षति गर्छ भन्न नसकिने बताए ।

सरस्वती खोला उत्खन्न गर्दा समेत सम्बन्धित निकायहरुलाई जानकारी र निरीक्षण गराउँदा समेत उत्खन्न रोक्न कुनै पहल नभएको स्थानीय डिएन चौधरीको गुनासो छ । उनका अनुसार पुलिस, प्रशासन, जिल्ला समन्वय समितिको साथ साथै नगरपालिकाले पनि केही नबोलेको उनले बताए ।

सडक निर्माण कम्पनीलाई त्रियुगा खोला, बरुवा खोला, शाही खोला, द्वार खोला, लामा खोला, बैधनाथ खोला र तावा खोलाको गिट्टी बालुवा उत्खन्नको लागि जिल्ला समन्वय समितिले अनुमति दिएपनि नियम विपरित सरस्वती खोलाको गिट्टी, बालुवा निकासी गर्दा उत्तर टोल देउरी गाउँ बाढीको कटानको जोखिममा परेका हुन् । जिल्ला समन्वय समितिका संयोजक खड्गबहादुर परियारका अनुसार जेडआईइसी लामा एण्ड शर्मा जे.भि. ठेक्केदार कम्पनीलाई सरस्वती खोलाको गिट्टी बालुवा निकाल्न अनुमति नदिएको बताए ।

यसै विषयमा ठेकेदार कम्पनीका उदयपुर प्रतिनिधि सिताराम दाहाललाई सम्पर्क गर्दा उनले यस विषयमा आफुलाई केही थाह नभएको बताए । उनले भने– ‘यस विषयमा डिटेल बुझेर मात्रै बताउने छु ।’

Purbeli TV

समसामयिक बिषयमा कलम चलाउनुहुने चौधरी पूर्वेली न्युजका उदयपुर सहकर्मी हुनुहुन्छ ।

सुखिलाल चौधरीबाट थप

हात्तीको आक्रामणबाट एक अपांगको मृत्युु

बन्दको मारमा विरामी र सर्वसाधारण

लागू औषध सहित एक पक्राउ

उदयपुरमा मोटरसाईकल दुर्घटनामा परी एक युवकको मृत्यु

उदयपुर घरेलु तथा साना उद्योगबाट उद्यमीको नाममा लाखौं रकम अनियमितता

त्रियुगा नगरपालिकाबाट १० करोड सामाजिक सुरक्षा भत्ता वितरण

त्रिवेणी स्वास्थ चौकीबाट २४ सैं घण्टा सेवा दिन शुरू

उदयपुरका ४६ बालबालिकाले वैदेशिक रोजगार छात्रवृति पाउने

उदयपुरमा ३० करोड ५० लाख राजस्व संकलन

उदयपुरमा बाँस तथा निगालोको सामान लोक प्रिय बन्दै

तपाईको प्रतिक्रिया