डिजिटल पेन्टसद्वारा ‘डिजिटलको हर्ष उपहारको वर्षा’ योजना सार्वजनिक

डिजिटल पेन्टसले नजिकिँदै गरेको चाडपर्वलाई लक्षित गरी ‘डिजिटलको हर्ष उपहारको वर्षा’ योजना सार्वजनिक गरेको छ। यस उपहार योजना अन्तर्गत वासिङ मेसिन , ल्यापटप, रेफ्रिजेरेटर  एवम् मिक्स्चर मेसिन प्रदान गरिने साथै बम्पर उपहारमा ५५ इन्चको एलइडी प्राप्त गर्न सकिनेछ ।  उक्त उपहार योजना १५ भदौ देखि लागु भई मङ्सिर ३० सम्म रहने जनाइएको छ ।  

पेन्टसले प्रत्येक ५० हजारको खरिदमा एक थान कुपन र २ थान कुपन बराबरको खरिदमा एक थान आकर्षक भित्तेघडी उपलब्ध गराउने जनाइएको छ ।  डिजिटल पेन्ट्सले कोसी प्रदेशका मुख्य तथा साना/ठुला सहर गरी ८० भन्दा बढी आधिकारिक डिलरहरू मार्फत ग्राहकहरूलाई सुलभ मूल्यमा गुणस्तरीय रंगरोगनका सामान उपलब्ध गराउँदै आएको छ।

जर्मन प्रविधिबाट उत्पादन गरेको र आफ्नै अत्याधुनिक ल्याबबाट गुणस्तरमा प्रमाणित उत्पादन मात्र बजारमा वितरण गर्दै आएको कम्पनीका प्रमुख कार्यकारी अधिकृत देवीप्रसाद गौतमले बताए।  कम्पनीले सिमेन्ट प्राइमर, इनामेल, वाल पट्टी, गोल्ड पेन्टस, आल्मुनियम पेन्टस तथा इमलसन पेन्ट्स उत्पादन तथा विक्री वितरण गर्दै आएको छ।