आइतबार ६१.६१ अंकले बढयाे नेप्से, १५ अर्बमाथिकाे काराेबार

काठमाडौं / साताकाे काराेवारकाे  पहिलाे दिन आइतबार सेयर बजार  मापक नेप्से परिसूचक बढेकाे छ । कारोबार अघिल्लाे दिनकाे तुलनामा नेप्से परिसूचक  ६१.६१ अंक (२.५४ प्रतिशत) ले बढेर २४८५.९४ को बिन्दुमा  पुगेकाे हो ।

नेप्सेमा कुल ३ सय १५ कम्पनिकाे ४ कराेड ११ लाख ९५ हजार ५ सय ३४ कित्ता सेयर खरिदबिक्रि हुँदा १५ अर्बमाथिकाे सेयर काराेवार भएकाे छ । 

आइतबार  नेप्सेमा  सबै उपसमूहहरु बढेको छन् । बजारलाई लिन गर्ने बैंकिङ उपसमूह नै ३.८६ प्रतिशतले वृद्धि हुँदा बजार परिसूचक उच्च अंकले बढ्न मद्धत गरेको छ । व्यापार उपसूचक ६.८० प्रतिशतले बढ्दा होटल तथा पर्यटा उपसूचक ४.२१ प्रतिशतले  बढेको हो । आइतबार बजारमा कारोबार भएका २४२ सूचीकृत कम्पनीमध्ये  १८१ कम्पनीको सेयरमूल्य बढेको छ । ५६ कम्पनीको मूल्यमा गिरावट हुँदा ५ कम्पनीको स्थिर छ ।

आज सबै भन्दा बढि काराेवार साेल्टि हाेटलकाे भएकाे छ । यस कम्पनिकाे ३४ कराेड १० लाख ९६ हजार ३ सय ७ रूपैयाँ १० पैसा बराबरकाे सेयर काराेबार भएकाे छ । 

आइतबार कारोबार भएकामध्ये  युनाइटेड मोदी हाइड्रोपावर र समता घरेलु लघुवित्तको  सेयरमूल्य १० प्रतिशतले बढेर सकारात्मक सर्किट मूल्यमा  बन्द भएको छ ।