बिश्वकप क्रिकेटको फाइनल हेर्न नरेन्द्र मोदी पुग्ने

नयाँदिल्ली। भारतीय प्रधानमन्त्री नरेन्द्र मोदी आइतबार हुने विश्वकप क्रिकेटको फाइनलमा सहभागी हुने भएका छन् ।  प्रधानमन्त्री मोदी आइतबार साँझ अहमदाबाद पुग्नेछन्। उनी अहमदाबाद क्रिकेट स्टेडियम पुगेर भारत र अष्ट्रेलियाबीचको विश्वकप फाइनलको मजा लिनेछन्। यस अवधिमा दुई–तीन राज्यका मुख्यमन्त्रीको पनि उपस्थिति रहनेछ । प्रधानमन्त्री मोदीको आइतबारको गुजरात भ्रमणको पूर्ण तालिका सार्वजनिक भएको छ ।

वास्तवमा भारत र अष्ट्रेलियाबीचको विश्वकपको फाइनल खेल अहमदाबादस्थित ‘नरेन्द्र मोदी क्रिकेट स्टेडियम’ मा हुने थियो । १.३ लाखभन्दा बढी दर्शक क्षमता भएको यो स्टेडियम विश्वको सबैभन्दा ठूलो स्टेडियम मध्ये एक हो। पीएम मोदी बाहेक बीसीसीआईका धेरै प्रमुख अधिकारी र अहिलेसम्म विश्वकप जितेका कप्तानहरू पनि स्टेडियममा उपस्थित हुनेछन्। भारतीय क्रिकेट टोलीको फर्मलाई हेर्दा विश्वकप जित्ने प्रबल दावेदार मानिएको छ ।

प्रधानमन्त्री मोदी आइतबार साँझ करिब ४.३० देखि ५ बजे अहमदाबाद एयरपोर्ट पुग्नेछन्। यसअघि प्रधानमन्त्रीले राजस्थानको तारानगर र झुन्झुनुमा सभालाई सम्बोधन गर्ने छन् । राजस्थान विधानसभा चुनावलाई ध्यानमा राख्दै उनले पहिले राजस्थानमा बैठक गर्ने र त्यसपछि गुजरात जानेछन् । उनी साँझ अहमदाबाद एयरपोर्ट पुग्नेछन् र त्यसपछि सीधा राजभवन जानेछन्। उनलाई स्वागत गर्न गुजरातका मुख्यमन्त्री भूपेन्द्र पटेल उपस्थित हुन सक्छन्।

त्यसैगरी राजभवन पुगेपछि उनी आफ्नो सुविधा अनुसार बेलुका ५ बजेपछि जुनसुकै समयमा ‘नरेन्द्र मोदी क्रिकेट स्टेडियम’ पुगेर विश्वकपको फाइनल खेल हेर्नेछन्  । विश्वकपको फाइनलमा आसाम र मेघालयलगायत राज्यका दुई–तीन मुख्यमन्त्री पनि सहभागी हुनेछन् । फाइनल खेलपछि प्रधानमन्त्री पुन एक पटक राजभवन जानेछन्, जहाँ उनले डिनर र राती बस्ने छन् । त्यसपछि प्रधानमन्त्री नरेन्द्र मोदी चुनावी प्रचारका लागि सोमबार गुजरातबाट राजस्थान जानेछन् ।