सुन्दरहरैंचाका गायक प्रदीप ओझाले ल्याए नयाँ गीत ‘तिमीलाई देखेसी. . . . .’

इटहरी / सुन्दरहरैंचा– ७ गोठगाउँका युवा प्रदीप ओझाले ‘तिमीलाई देखेसी यो मनै बिझायो…’ भन्ने गीत ल्याएका छन् । केही समय अघि युट्युबमार्फत् अडियो मात्रै सार्वजनिक भएको सो गीतको हालै भिडियो पनि सार्वजनिक भएको छ ।

कृष्ण खवासको निर्देशनमा रहेको सो गीतमा सन्दीप सरदारको सङ्गीत रहको छ । केके म्युजिक स्टुडियो इटहरीमा रेकर्ड भएको सो गीतको कोरियोग्राफी रजनीश माझीले गरेका छन् ।

गायक ओझाका अनुसार गीतको भिडियोमा विराटनगरका मोडल सागर श्रेष्ठ र जस्मिन लामाले मोडलिङ गरेका छन् । सुनसरीको झुम्काको सोल डान्स क्रिउको नृत्य प्रस्तुति रहेको छ ।

यो गीतको भावको बारेमा राखिएको जिज्ञासामा गायक ओझा भन्छन्, ‘असारसाउनमा पर्ने पानी को धेरै गीत आए पनि चैतबैशाखमा हावाहुरीसँगै आउने पानीलाई आधार बनाएर गीत नलेखिएको हुनाले सो समयको पानीको भावलाई समेटेर गीत लखिएको हो ।’ ओझाको स्वर र शब्दमा यसअघि धनकुटा, हिले, पाख्रीबास…’ भन्ने गीत पनि रेकर्ड भएको छ ।

तपाईको प्रतिक्रिया