मिस वर्ल्ड टोनी–एन सिंह काठमाडौँमा

काठमाडौँ / मिस वर्ल्ड २०१९ विजेता टोनी–एन सिंह नेपाल आइपुग्नु भएको छ । सिंहसँगै मिस वल्र्ड आयोजकका अध्यक्ष जुलिया मार्ले र निर्देशक स्टिभ डग्लस पनि नेपाल आउनुभएको छ । संस्कृति, पर्यटन र उड्यन मन्त्रालयको निमन्त्रणामा सिंह, मार्ले र डग्लस नेपाल आउनुभएको हो । उहाँहरु बिहीबार बिहान त्रिभुवन विमानस्थलमा ओर्लनुभएको हो । उहाँहरुलाई मिस नेपाल २०१९ अनुस्का श्रेष्ठ लगायतले स्वागत गर्नुभयो। पहिलो पटक मिस वर्ल्ड अर्गनाइजेसनका अध्यक्ष तथा मिस वर्ल्ड नेपाल भ्रमणमा आउनु भएको हो ।

नेपाल भ्रमणको क्रममा मिस वर्ल्ड अर्गनाइजेसन समूहले नेपालले मिस वल्र्ड प्रतियोगिता आयोजना गर्ने सम्भावनालाई ध्यान दिने बताइएको छ । टोलीले मिस वर्ल्डमा ‘विउटी विथ पर्पोज’ जितेको भिडियोमा देखाइएको मकवानपुर र सिन्धुपाल्चोक जिल्लासमेत भ्रमण गर्ने मिस नेपाल आयोजक हिडेन ट्रेजरले जनाएको छ । मिस वर्ल्ड अर्गनाइजेसनको टोली सात मार्चमा फर्किने कार्यक्रम रहेको बताइएको छ ।

तपाईको प्रतिक्रिया