भर्जिन कथा र भर्जिन लोकेशनमा पुरानो बुलेट

मोरङ । बर्षेनी दर्जनौ नेपाली चलचित्र निर्माण हुन्छन,कति प्रदर्शन हुन्छन त कति त्यतिकै पालो नपाएर थन्किएर बसेका छन । पुरानै कथा,पुरानै लोकेशन र बलिउडको सिको गर्दै बनाईएका दर्जनौ चलचित्रहरुले प्रर्दशन भएपनि हलमा पानी समेत भन्न पाउँदैनन् । चलचित्रमा प्रबिधि देखि नयाँपनको स्वाद दिन नसक्दा निर्माताहरुको करोडौ लगानी बालुवामा पानी भईरहेको अबस्था छ । यहि भिडमा भर्जिन कथा र भर्जिन लोकेशनमा नेपाली कथानक चलचित्र पुरानो बुलेट ले छायांकन शूरु गरेको छ । मोरङको लेटाङ भोगटेनीका बिभिन्न मनोरम दृश्यहरु र प्रदेश नम्बर १ का बिभिन्न मनोरम स्थानका दृश्यहरु चलचित्रमा समेटिएका छन ।

गाँउले परिबेशमा माया प्रेमको चट्नी हालेर बुनिएको कथामा नायक अनुपबिक्रम शाही,बर्षा शिवाकोटी,माला लिम्बु लगायतका कलाकारहरुको अभिनय रहने छ । एउटा पुरानो बुलेट,त्यहि बुलेटमा चढेर सजाईएका रंगिन सपनाहरु समय सँगै भत्किन्छन अनि फेरी समय सँगै जोडिन्छन चलचित्रको मुख्य कथा यहि सेरोफेरोमा घुमेको छ । चलचित्रको सबैभन्दा राम्रो पक्ष भनेको भर्जिन लोकेशन नै हो । हिमाल,पहाड र तराईको बाताबरण भएको लेटाङमा कथाको आधा भन्दा बढी भाग छायांकन हुने छ ।

चलचित्रमा महंगो प्रबिधि मानिएको रेड क्यामेराको प्रयोग गरिएको छ । चलचित्र उत्कृष्ट बन्नेमा आफु ढुक्क रहेको चलचित्रका कार्यकारी निर्माता सञ्चारकर्मी र केही म्युजिक भिडियो समेत निर्देशन गरिसकेको सन्तोष राई बताउँछन । उनी आफनो मेहनत खेर नजाने समेत बताउँछन ।

चलचित्रलाई लेखन तथा भिडियो निर्दैशनमा राम्रै ख्याति कमाएका भिषण राईले निर्देशन गरिरहेका छन । उनी आफुले जिवनको लामो समय पत्रकारिता र लेखनमा बिताएको अनुभवलाई यो चलचित्रमा प्रयोग गर्ने बताउँछन । चलचित्रको कथा समेत लेखेका राई चलचित्रको कथा सबैभन्दा बलियो पक्ष रहेको बताउँछन ।

चलचित्र निर्माणमा एक करोड बढी लगानी भएको चलचित्रको निर्माता मध्येका एक अशोक राई बताउँछन । उनी पनि साहित्य र सञ्चार कर्ममा आबद्ध रहेका छन । यो चलचित्रमा अधिकांश सञ्चारकर्मीहरुको सहभागिता देखिन्छ । राई चलचित्र निर्माणका क्रममा कुनै कन्जुस्याँई नगर्ने बताउँछन ।

चलचित्रको कथा फरक र आफुलाई मन परेका कारण यो चलचित्र आफनो लागी पनि कोसेढुंगा हुने नायक अनुपबिक्रम शाही बताउँछन । चलचित्रकी नायिका बर्षा शिवाकोटी आफना पुराना चलचित्र भन्दा पनि यो चलचित्रको कथा राम्रो भएको र चलचित्र चल्नेमा ढुक्क रहेको बताउँछिन । चलचित्र बुलेट यतिबेला सोही चलचित्रको बहुप्रतिक्षित गित असार १५ को छायांकनका लागी मोरङको गोकुलम रिसोर्टमा पुगेको छ ।

Purbeli TV

डेढ दशक बढी समयदेखि पत्रकारितामा क्रियाशिल बस्नेत पूर्वेली न्युजका सम्पादक हुनुहुन्छ ।

नरेन्द्र बस्नेतबाट थप

चिसाङमा पुल नबन्दा सास्ती, झोलुङगे पुलबाट जोखिमपुर्ण यात्रा गर्नुपर्ने बाध्यता (तस्विर तथा भिडियाे सहित)

भर्जिन कथा र भर्जिन लोकेशनमा पुरानो बुलेट

पहाडमा पहिराे तरार्इमा बाढीले जनजीवन आक्रान्त

बिबाहमा हुने फजुल खर्च कटाएर नेत्रहिनलाई सहयोग

जिब्रोले निधार छुने अच्चमका युवाको फिल्म खेल्ने रहर

खोला जव सुस्ताउँछ, स्थानीयको भोक र निन्द्रा हराउँछ

एउटा पनि सार्बजनिक शौचालय नभएको खुल्ला दिशामुत्त नगर

खलासी दाई ! के सडक तिम्रो बाऊको बिर्ता हो ?

गरिब,जेहेन्दार र दलित बिद्यार्थीलाई समाजसेवी राईको सहयोग

काम गरेर देखाउने ईप्रका बेलबारी प्रमुख राईको दाबी

तपाईको प्रतिक्रिया