पूर्व मिस नेपाल निकिताको डेब्यु फिल्म ‘साङ्लो’ ट्रेलर : देखियो विराजको पावरफुल एक्सन (ट्रेलर सहित)

ईटहरी/ नेपाली चलचित्रमा एक्सनमा नयाँ ट्रेन्ड स्थापित गरेका अभिनेता विराज भट्टको अभिनय, निर्माण र डेब्यू निर्देशनमा बनेको एक्सन प्रधान चलचित्र ‘साङ्लो’ को एक्सन प्याक्ड ट्रेलर सार्वजनिक भएको छ । शुक्रवार राजधानीमा एक कार्यक्रमका बीच सार्वजनिक गरिएको ट्रेलरमा अभिनेता विराजको एक्सनलाई प्राथमिकता दिइएको छ । ट्रेलर कमर्शियल बनेको छ ।

किड्नी तस्करीको कथा बोकेको चलचित्रमा अभिनेता विराजले पूर्व मिस नेपाल निकिता चाण्डकसँग रोमान्स गरेका छन् । ट्रेलरमा निकिता र विराजको लभ केमेस्ट्री पनि देख्न सकिन्छ । ट्रेलर हेर्दा अभिनेता विराजले ‘साङ्लो’ बाट नेपाली चलचित्रमा धमाकेदार कमब्याक गर्नसक्ने देखिन्छ । माघ २४ मा रिलिज हुने चलचित्रमा प्रकाश शाह र कामेश्वर चौराशिया नेगेटिभ भूमिकामा छन् । हेर्नुस ट्रेलर

‘चरीले काफल’ बोलको गीत सार्वजनिक भएपछि चर्चामा रहेको यो चलचित्रको कथा शिवम अधिकारीले लेखेका हुन् । चलचित्रमा श्री श्रेष्ठको द्वन्द्व र अर्जुन जिसीको सम्पादन छ । मानकृष्ण महर्जनको छायांकन रहेको ‘साङ्लो’ मा जयनन्द लामा, आर.पि. पन्त, लय संग्रौला, शिशिर भण्डारीलगायतका कलाकारहरुको पनि अभिनय छ । पूर्व मिस नेपाल निकिताको यो डेब्यू चलचित्र हो ।

उनले ट्रेलर रिलिज कार्यक्रममा अभिनेता विराज भट्टसँग काम गर्न पाउनु आफ्नो लागि गर्वको कुरा रहेको बताइन् । उनले भनिन्, ‘यो चलचित्रभन्दा राम्रो डेब्यू मेरो अरु चलचित्रबाट हुनै सक्दैन । विराज सरबाट मैले धेरै कुरा सिक्न पाएको छु । उहाँ मेरो लागि अभिभावक हुनुहुन्छ ।’ अभिनेता भट्टले राम्रो चलचित्र बनाउने प्रयास गरेको बताउँदै दर्शकलाई एकपटक हेरिदिन आग्रह गरे ।

तपाईको प्रतिक्रिया