तेह्रथुममा राँके मेलाको अबसरमा खुल्ला नत्य प्रतियोगिता सम्पन्न

तेह्रथुम / परम्परा देखी लाग्दै आएको ऐतिहाँसिक राँके मेलाको अबसरमा भब्य.सांस्कृतिक कार्यक्रमको साथमा खुल्ला नृत्य सम्पन्न भएको छ । प्रतियोगितामा संगित समाजसेवा युबा क्लब छथर जोरपाटी ५ चुम्लुङ धनकुटाले प्रथम स्थान प्राप्त गरेको छ । त्यस्तै नवअभीयान युबा क्लब छथर गाउँपालिका ५ ओख्रे दोश्रो र संगम सांस्कृतिक युबा क्लब छथर जोरपाटी ५ धनकुटाले तेश्रो स्थान प्राप्त गरेको छ ।

बिजयी क्लबहरुलाई प्रतियोगिताका प्रमुख अतिथी छथर गाउँपालिका प्रथम सन्तोष तिगेलाले पुरस्कार प्रदान गर्नु भएको थियो । बिजयी क्लबहरुले क्रमस नगद ५ हजार ३ हजार र २ हजारको साथ कप र मेडल प्राप्त गरेको आयोजकले जनाएको छ ।

मिरमिरे याक्थुङ युबा क्लब छथर गाउँपालिका ३ पञ्चकन्या लुकुवाद्धारा आयोजित प्रतियोगतामा तेह्रथुम र धनकुटा जिल्लाका ११ वटा क्लबहरुको सहभागीता रहेको प्रतियोगिता कार्यक्रमका संयोजक चिनकुमार कुरुम्भङ खजुमले बताउनु भयो । छथर गाउँपालिका वडा नम्बर ३ का वडा अध्यक्ष तुलसीजंघ थापाको बिषेश आतीथ्यता रहेको थियो । कार्यक्रममा बिभीन्न संघ संस्थाका प्रमुख तथा प्रतिनिधीहरुको सहभागी रहेको थियो ।

Purbeli TV

तपाईको प्रतिक्रिया