टुँडिखेलमा हुने सलमान खानको कार्यक्रम स्थगित

काठमाडौं । बलिउड अभिनेता सलमान खान नेपाल आउने कार्यक्रम स्थगित भएको छ । खानको ‘दबंग द टुर’ १० मार्चमा काठमाडौंमा हुने तय भएको थियो ।विप्लव समूहको चेतावनीलाई कारण देखाउँदै सलमानले नेपाल नआउने सन्देश पठाएपछि आयोजक ओडीसी इन्टरनेसनलले ‘दबंग द टुर’ रद्द गरेको हो ।

सलमानको ‘दबंग द टुर’ १० मार्च अर्थात्मा फाल्गुण २६ गत्ते काठमाण्डुमा हुने तय भएको थियो । टुँडिखेलमा हुने शोमा अभिनेत्री सानोक्षी सिन्हा, प्रभु देवा, मनिष पल लगायतका कलाकार पनि उपस्थित हुने भनिएको थियो ।विकाशकारी भूकम्प र नाकाबन्दीपछि नेपालको पर्यटन क्षेत्रमा परेको नकारात्मक प्रचार न्यूनिकरण गर्दै नेपाल सुरक्षित गन्तव्य भएको सन्देश दिन कार्यक्रम गर्न लागिएको थियो ।सलमानको कार्यक्रमको विषयलाई लिएर नेकपाको सांस्कृतिक संगठन अखिल नेपाल जनसांस्कृतिक महासंघले विरोध गर्दै कार्यक्रम रोक्ने चेतावनी दिएको थियो ।

आफू सहभागी हुने कार्यक्रका विषयलाई लिएर एक राजनीतिक दलले विरोध जनाएपछि सलमानले कार्यक्रममा असुरक्षित महसुस गर्दै सहभागीता जनाउन नचाहेको बताइएको छ यध्यपी आयोजक ओडीसीले इन्टरनेसनले कार्यक्रम स्थगित भएको औपचारिक घोषणा गरिसकेको छैन र आउने बातावरण मिलाउन प्रयासरत रहेको बताएको छ ।

PURBELI TV

तपाईको प्रतिक्रिया