चलचित्र ‘ब्ल्याक’ भदौ १ गतेदेखि हलमा

इटहरी । आश्मा फिल्मसको ब्यानरमा निर्मित पहिलो चलचित्र ‘ब्ल्याक’ भदौ १ गतेदेखि प्रदर्शनमा आउने भएको छ । चलचित्रका कलाकार, निर्माता, निर्देशक सहितको टोली अहिले चलचित्रको प्रचार प्रसारका लागि देश दौडाहमा रहेको छ । प्रचारका लागि इटहरी आएको निर्माता निर्देशक सहितको कलाकारको टोलीले इटहरीस्थित रिपोर्टर्स क्लबमा पत्रकार सम्मेलन गरेर चलचित्रको भदौ १ गतेदेखि प्रदर्शनमा आउने जानकारी गरएका थिए ।

‘चलचित्रले जिन्दगीका रंगहरुको ब्याख्या गरेको छ, निर्देशक प्रदिप श्रेष्ठले भने–‘जन्मदादेखिको संघर्ष र अन्त्यसम्मलाई यस चलचित्रको कथाले समेट्ने प्रयास गरेको छ ।’ जिन्दगीमा कालो रंगको भुमिका यसमा बढी चर्चा गरिएको उनले बताए । श्रेष्ठले चलचित्र ब्ल्याक पुर्णरुपमा व्यवसायिक चलचित्र बनेको बताए । प्रेम कथामा आधरित पुर्ण रुपमा पारिवरिक चलचित्र निर्देशन गरेको दावी उनले गरे । मौनता श्रेष्ठको कथामा बनेको चलचित्र सफल हुनेमा निर्माण पक्ष आशावादी देखिएको छ ।

‘सबैको जिन्दगीमा उतार चढाव आँउछ, निर्माता आश्मा पाण्डेले भनिन् उतार चढाव सामना गरेर अघि बढ्न चलचित्रले प्रेरणा दिन्छ । अघि बढ्न नसक्नेहरु डिप्रेसनमा जान सक्ने खालका पटकथाहरु चलचित्रमा समेटिएका छन् ,

नायिक आँचल शर्माले संघर्षको बीचमा बाँचिरहेको मानिसको कथालाई आफुहरुले पर्दामा उतार्न कुनै कन्जुस्याँइ नगरेको बताइन् । उनले अन्य चलचित्रभन्दा निक्कै मेहेनत गरेर अभिनय गरेको हुनाले यो चलचित्र सफल हुने दाबी पनि गरिन् ।

नेपालको उपल्लो मुस्ताङ, मुक्तिनाथ, पोखरा, स्याङजा, काठमाण्डौ र सिन्धुलीका केही स्थानमा छांयाङकन भएको चलचित्र ब्ल्याकमा अहिलेका जल्दा बल्दा नायिका आँचल शर्मा, नायक आकाश श्रेष्ठ, सुन्दर श्रेष्ठ, आयुस रिजाल, धिरेन शाक्य, प्रियंका रिजाल लगायतले अभिनय गरेका छन् । चलचित्रमा २ करोड बढी लगानी भएको बताइएको छ ।

तपाईको प्रतिक्रिया