अप्राकृतिक गर्भाधानबाट जन्मिएको सरकार तुहिएकोमा चिन्ता नगरौं: दीपकराज गिरी

काठमाडौं / प्रधानमन्त्री केपी शर्मा ओलीले संसद विघटन गर्ने निर्णय गरेसँगै चौतर्फी विरोध भएको छ । ओलीको यो कदमलाई लिएर सामाजिक सञ्जालमा मिश्रित प्रतिक्रियाहरु आइरहेका छन् । कतिले पाँच वर्षे स्थायी सरकार चलाउनुपर्नेमा संसद विघटन गरेको भन्दै ओलीको आलोचना गरेका छन् भने कतिपयले ओलीको यो कदमको स्वागत गरेका छन् ।

यसैबीच कलाकार दीपकराज गिरीले ओलीको संसद विघटनलाई लिएर चिन्ता नगर्न अनुरोध गरेका छन् । उनले सामाजिक सञ्जालमा लेखेका छन् – ‘माओवादी र एमोलको अप्राकृतिक गर्भाधानबाट जन्मिएको सरकार तुहिएकोमा चिन्ता नगरौं, किनकि अप्राकृतिक कुरा स्थायी हुँदैन ।’

उनको यो भनाइमा कतिपयले सहमति जनाएका छन् । कतिले तीन महिनामै तुहिनपर्ने सरकार तीन वर्ष टिक्न सकेको भन्दै टिप्पणी गरेका छन् । संसद विघटन भएपछि नेपालमा राजनैतिक अशान्ति हुने अनुमान गरिएको छ । देशका विभिन्न स्थानमा आन्दोलनका कार्यक्रमहरु घोषणा गरिएका छन् । खबरहबबाट

तपाईको प्रतिक्रिया