दुई दिन विद्यालय बन्द गर्ने इटहरी सरकारको निर्णय

इटहरी / केही दिनदेखि चिसो बढे संगै इटहरी उपमहानगरले दुई दिनका लागि सम्पूर्ण विद्यालय बन्द गर्ने निर्णय गरेको छ । चिसो अत्याधिक बढे संगै दुई दिन विद्यालय बन्द गर्ने निर्णय गरेको हो ।

उपमहानगरपालिकाका नगर प्रमुख हेमकर्ण पौडेलद्वारा आज जारी प्रेस विज्ञप्तिमा पुस २८ र २९ गते दुई दिन नगर क्षेत्रका सम्पूर्ण सामुदायिक एवं संस्थागत विद्यालयमा शैक्षिक गतिविधि बन्द गर्न अनुरोध गरिएको छ ।

विज्ञप्तिमा विगत केही दिनदेखि बढ्दै गएको चिसो तथा शीतलहरका कारण जनजीवन कष्टकर बन्दै गएको तथा विद्यार्थीमा पठनपाठन असहज बन्दै गएको भन्दै विद्यालय बन्द गर्ने भनिएको छ ।

तपाईको प्रतिक्रिया

Loading…