बिर्तामोड / बिर्तामोड नगरपालिका वडा नम्वर १ ले विपन्न नागरिकका लागि घर निर्माण शुरु गरेको छ । सहारा नेपाल (साकोस), ह्याविट्याट फर ह्युमानेटीसंगको साझेदारीमा बिर्तामोड नगरपाकिलाले विपन्न नागरिकको घर निर्माण शुरु गरेको हो । विपन्न आवास कार्यक्रम अन्तरगत बिर्तामोड नगरपालिका – १ मा २० वटा घर निर्माण शुरु गरेको बिर्तामोड नगरपालिका वडा नम्वर १ का वडा अध्यक्ष अग्निप्रसाद पाण्डेले जानकारी दिए । पाण्डेका अनुसार घर भुकम्प प्रतिरोधि हुने छ । भुई घर भएपनि तीन सुते सड प्रयोग गर्दै वरण्डा सहितको तीन कोठे निर्माण गरिने छ । डेढ फिट कुर्सी उठाएर अढाईफिट माथि झ्यालसम्म प्लम लगाउँदै निर्माण गरिने घर केमिकल युक्त वासको प्रयोग गरिन्छ वडाअध्यक्ष पाण्डेले भने – निर्माण गरिने सबै घर एकै प्रकारका हुन्छन् ।
चालू आर्थिक वर्षमा बिर्तामोड नगरपालिकाले २ सय वटा घर निर्माण गर्ने भएके छ । प्रत्येक घर निर्माणका लागि दुई लाख रुपैयाँ खर्च हुने बताइएको छ । घर निर्माणका लागि वडा नम्वर १ मा खेमनाथ न्यौपानेको संयोजकत्वमा रहेको समितिले काम गरिरहेको वडा अध्यक्ष पाण्डेले बताए । समिति सात सदस्यीय रहेको बताइएको छ । बिर्तामोड नगरपालिका – १ मा ५० घर अति विपन्न रहेको र २० घर पहिलो चरणमा निर्माण गर्ने र बाँकी ३० घर आगामी आर्थिक वर्षमा निर्माण गर्ने बताइएको छ । जग्गा भएका तर, अति विपन्न परिवारका लागि नगरले घर निर्माण गर्ने योजना अनुसार नचानु गाउँका छत्रसिंह राजवंशीको घर शिलन्यास गर्दै वडा नम्वर १ मा विपन्न आवास कार्यक्रम शुरु भएको हो ।
घरको शिलन्यास बिर्तामोड नगरपाकिला प्रमुख ध्रवकुमार शिवाकोटीले गरेका थिए । घरको छाना टिनको भएपनि लामो समयसम्म वस्न मिल्ले गरी आधुनिक तरिकाले घर निर्माण गरिने छ । बिर्तामोड नगरपालिका – १ नम्वर वडाले आर्थिक वर्ष २०७४÷०७५ मा टुकी रहित उज्यालो वडा घोषणा गरेको थियो । त्यस्तै २०७५÷०७६ मा डुवान रहित वडा घोषणा गरेको छ । डुवान मुक्त वडा घोषणा गरेसंगै बिर्तामोड नगरपालिका १ भएर बग्ने अन्धुवा खोलामा तटवन्धनको काम शुरु गरेको र यस पटक पनि जनताको तटवन्धनसंग सहकार्य गर्दै खोला नियन्त्रणका लागि थप काम अघि वढाइने वडा अध्यक्ष पाण्डेले बताए । विर्तामोड नगरपालिकाले गत वर्ष सहारा नेपालसंग सहकार्य गर्दै ७४ वटा घर निर्माण गरेको थियो ।
यसैबीच बिर्तामोड नगरपालिका – १ ले समपुरक वजेटबाट अतिथिसदन पश्चिम जगतमार्ग हुँदै श्रीजंघा मार्ग र लोकतान्त्रिक मार्गका लागि ढल र प्लम सहित कालोपत्रे हुने भएको छ । त्यस्तै गौरवको योजना अन्तरगत ३० लाख रुपैयाँमा सूर्य नगरमा साढे पाँच मिटर डे«न सतिको सडक निर्माण हुने भएके छ ।
प्रदेश सरकााको सहयोगमा वडा नम्वर १ को पुरानो यातायात कार्यालय अगाडीको सडक निर्माण भएरहेको वडा अध्यक्ष पाण्डेले जानकारी दिए । सो सडक निर्माणका लागि ८० लाख रुपैयाँ १ नम्वर प्रदेश सरकारले प्रदान गरेको बताइएको छ । सो सडक नाला र डे«न सहितको हुने बताइएको छ । वडा नम्वर १ मा गठित ३५ वटा टोल विकास समितिले अहिले वडामा भइरहेको विकास निर्माणका काम हेर्दै आएको बताइन्छ । दुई हजार घर धुरी रहेको वडामा १५ हजार जनसंख्या रहेको वडा अध्यक्ष पाण्डेले बताए ।
वडाको विकासका लागि एक करोड ८ लाख रुपैयाँ नगरवाट सिलिङ वजेट छुट्टिएको र वाँकी वजेट प्रदेश र संघ संग सहकार्य गर्दै वडा भित्र्याएर विकास निर्माणका काम अघि बढाइएको वडा अध्यक्ष पाण्डेको भनाई छ ।
