गैर नेपालीलाई नागरिकता दिन जनप्रतिनिधिनै सम्लग्न रहेको खुलासा

जनप्रतिनिधिलाई पक्राउ पुर्जी

झापा / जिल्ला प्रहरी कार्यालय झापाले किर्ते तथा अनियमितता गरी नागरिकता बनाउने कार्यमा सम्लग्न भएको भन्दै पाँच जनाको नाम सार्बजनिक गरिरहँदा जनप्रतिनिधिको नाममा भने पक्राउ पुर्जी जारी भएको छ ।

गैर नेपालीलाई नागरिकता दिनका लागि सिफारिस गरेको आरोपमा बिर्तामोड नगरपालिका – ८ का वडा अध्यक्ष अजय कार्की र भद्रपुर नगरपालिका – ९ का वडा अध्यक्ष सनिलाल राजवंशी सहितलाई जिल्ला प्रहरी कार्यालय झापाले पक्राउ पुर्जी काटेको हो । जनप्रतिनिधि सहित कर्मचारीको मिलेमत्तोमा १६ जना गैर नेपालीलाई नेपाली नागरिकता दिएको आरोपमा प्रहरीले यस अघि पाँच जनालाई पक्राउ गरेको छ ।

गैर नेपालीलाई नेपाली नागरिकता दिने कार्यमा ४६ जना सम्लग्न रहेको बताइएपनि प्रहरीले दुई वडा अध्यक्ष सहित ११ जनालाई गत भदौ १३ गते पक्राउ पुर्जी जारी गरेको थियो । प्रहरीले जनप्रतिनिधि सहित जिल्ला प्रशासन कार्यालय झापाका अधिकृत गौरव ढुङ्गेल, नायव सुव्बा मेघराज निरौला, प्रशासकीय अधिकृत चुडाराज भट्टराई, टोली प्रमुखद्वय नारायण काफ्ले र चिरञ्जिवी अधिकारी, विर्तामोड – ८ का तत्कालीन सचिव लोकराज वराल, भद्रपुर ९ का वडा सचिव अरुणा भट्टराई, तत्कालीन बाहुनडाँगी र शरणामती गाविसका सचिव भवकृष्ण न्यौपाने लाई पक्राउ पुर्जी जारी गरेको थियो । सो लगत्तै प्रहरीले घटनामा संलग्न कर्मचारीद्वय तेजिन्द्र न्यौपाने र लोकराज वराललाई पक्राउ गरिसकेको छ ।

घटनामा संलग्न रहेको भन्दै बिर्तामोड नगरपालिका – ५ का टेकबहादुर गुरुङ, भद्रपुर – १० का प्रेम तिम्सिना र भीमबहादुर लिम्वूलाई समेत प्रहरीले यस अघि नै पक्राउ गरेको छ । विर्तामोड नगरपालिका – ८ का अध्यक्ष कार्की राप्रपाबाट निर्वाचित भएका हुन् भने भद्रपुर – ९ का अध्यक्ष नेकपाका कार्यकर्ता हुन् ।

खोज र समसामयिक बिषयमा कलम चलाउनुहुने भण्डारी पूर्वेली न्युजका झापा सहकर्मी हुनुहुन्छ ।

सुरेन्द्र भण्डारीबाट थप

आयुर्वेदको बेथिति रोक्न बल्ल अनुगमन

संविधान दिवस मनाउन झापामा नेकपाको तयारी तीव्र

मेघामा दशै तिहार बहार, सामान किन्दा उपहारै उपहार

गैर नेपालीलाई नागरिकता दिन जनप्रतिनिधिनै सम्लग्न रहेको खुलासा

झापामा अपराधको जालो : बिप्लका कार्यकर्ता पक्राउ परे पालै पालो

प्रमाणपत्रका भरमा आयुर्वेद क्लिनिक : कविराज र वैद्यले जाँच्छन् विरामी

आयुर्वेद उपचार पद्दतिमा ब्रह्रलुट : उपचारको क्रममा महिलाको मृत्यु, नियमनकारी निकाय बेखवर

घर पाउँदा नाँचगान : ३४ विपन्न परिवारलाई नयाँ घर, सन्थाल बस्तीमा खुशीयाली (तस्विरहरू सहित)

हिरासतमा बालकको रहस्यमय मृत्यु, प्रहरीले रातारात ग¥यो प्रमाण नष्ट

जसले गरे एयरपोर्टमा यति ठूलो परिर्वतन

तपाईको प्रतिक्रिया

Loading…