विराटचोकमा प्रिमियर इन्स्योरेन्सको शाखा विस्तार


सुन्दरहँरैचा / सुन्दरहँरैचाकाे विराटचोकमा प्रिमियर इन्स्योरेन्स कम्पनी (नेपाल) लि. सञ्चालनमा आएको छ । ४४औँ शाखाको रुपमा सञ्चालनमा आएको इन्स्योरेन्सको एक कार्यक्रमका बीच विधिवत् रुपमा उद्घाटन गरिएको थियो । कार्यक्रममा प्रमुख अतिथि उद्योगपति तथा समाजसेवी भोलेश्वर दुलालले रिबन काटेर इन्स्योरेन्स कम्पनीको शाखा उद्घाटन गरेका थिए । उनले कार्यक्रमलाई सम्बोधन गर्दै इन्स्योरेन्स कम्पनीहरुले सेवाग्राहीहरुको पीर मर्का बुझेर छिटो छरितो तथा पारदर्शी रुपमा सेवा सुविधा विस्तार गरेर अघि बढ्न आवश्यक भएको बताए ।

कार्यक्रममा कोशीहरैँचा उद्योग वाणिज्य संघका अध्यक्ष नवराज चापागाईँ, प्रिमियर इन्स्योरेन्सका दीपेन्द्रराज गौतम, थमन बस्नेत तथा सन्तोष उप्रेती लगायतले बोलेका थिए । २५औँ वर्षमा प्रवेश गरेको उक्त इन्स्योरेन्सले धनकुटामा शाखा विस्तार गरेसँगै राजविराजमा पनि शाखा विस्तार गरेको छ ।

Purbeli TV

तपाईको प्रतिक्रिया