नगदेबाली तर्फ आकर्षित हुँदै कृषकहरू

तेह्रथुम / खेतीयोग्य जमिनमा अन्नबाली मासेर नगदेबाली तर्फ आकर्षित बन्न थालेका छन । गाउँमा युबाहरु बिभीन्न रोजगारको खोजीमा गर्दै पलायन भए सँगै जिल्लाको ग्रामिण क्षेत्रका कृषकहरु पछिल्लो समय अन्नबाली मासेर नगदेबालीलाई रोज्न थालेका हुन ।

कडा परिश्रम गरे पनी मेहनत उठाउन समस्याले हैरानी खेप्दै आएका कृषकहरु बैकल्पिक खेतीको खोजी गर्दै नगदेबाली तर्फ लाग्न थालेको फेदाप गाउँपालिकाका राज कुमारी ढकालले बताए । उनले ५ बर्षयता अन्नबालीको सट्टा नगदेबाली सुरु गरेकी छिन् । मकै,कोदो,धान लगायतका अन्नबालीले राम्रो आम्दानी नभएकाले जिल्लाको ग्रामिण क्षेत्रका कृषकहरु नगदेबाली गर्न थालेको ढकालले बताईन् । स्थानीय तहहरुको केन्द्रहरु गाउँ गाउँमा भए सँगै बजारीकरणमा राहात पाएका कृषकहरुले उत्पादन गरेको कृषीजन्य सामाग्री बिक्रीका लागी सदरमुकाम पुर्याउन पर्ने बाध्यता टर्दै गएको कृषकहरुले बताउने गरेका छन ।

कृषकहरुले अन्नबालीको साट्टा अकबरे,अदुवा,अम्लिसो,अलैची,आलु बन्दा,काउली, तथा फलफुल तथा तरकारीबाली लगाउँदै आएका छन । अन्नबालीका गर्न गाउँमा अर्मपर्ख नपाईने समस्याका कारण नगदेबाली रोज्नु परेको छथर गाउँपालिका १ का डालेश्वर लिम्बुले बताए । बर्ष देखी नगदेबाली गर्दै आएका लिम्बु जस्तै गाउँभरीका कृषकहरुले तरकारी खेती गरी बर्षेनी लाखौ रुपैयाँ भित्र्याउने गरेका छन । उत्पादन भएको बस्तु खरिदका लागी ब्यापारीहरु गाउँमै आउने गर्छन् बजारको लागी भौरिनु पर्दैन भन्छीन् लालीगुराँस नगरपालिकाका लिला लिम्बु ।

गाउँ गाउँमा सडक सञ्जालहरुको बिस्तार सँगै कृषकहरुले उत्पादन गरेको कृषीजन्य सामाग्री ढुवानीमा राहात मिलेको कृषकहरुले बताउने गरेका छन । कृषकहरुले २ रोपनी देखी ३० रोपनी जमिनका नगदेबाली गर्दै आएका छन । पछिल्लो समय यहाँका कृषकहरु ब्याबशायिक रुपमा नगदेबाली गर्ने उदेश्यका साथ मौसमी तथा बेमौसमी तरकारी उत्पादन गरी आम्दानीको श्रोतको रुपमा लिन थालेका छन ।

कृषी बिकास कार्यलय तथा गाउँ र नगरपालिकाहरुले कृषी क्षेत्रमा बिनियोजन गरेको रकमबाट समुह सहकारीहरुले स्कीम तयार गरी कृषकहरुलाई बिभीन्न सामाग्रीहरु अनुदान दिँदै आएको कृषी कार्यलयले जनाएको छ । सुख्खाग्रस्त क्षेत्रका लागी प्लाष्टिक पोखरी तथा टनेल प्रदान गरीको साथै बिभीन्न फलफुल तथा तरकारीको बिउ बिजनहरु कृषी सेवा केन्द्रहरुले प्रदान गर्दै आएको सेवा केन्द्रहरुले जनाएका छन ।

Purbeli TV

तपाईको प्रतिक्रिया

Loading…