सुनसरी २ प्रदेश सभा : द्वारिकलाललाई आफ्नैले पत्याएनन् : हलाे र रिक्साले मत बढाउदा एमालेलाइ घाटा

इटहरी । सुनसरी क्षेत्र नं २ क को प्रदेशसभा तर्फको प्रारम्भिक मत परिणाम अनुसार नेकपा एमाले अग्रस्थानमा रहेको छ भने दोश्रोमा राष्ट्रिय प्रजातन्त्र पार्टि तेश्रोमा माओवादी केन्द्र र चौथोमा स्वतन्त्रका उम्मेद्वार रहेका छन । निर्वाचन अधिकृतको कार्यालय सुनसरीले दिएको जानकारी अनुसार बिहान ९ बजेको पछिल्लो प्रारम्भिक मत परिणाम अनुसार सुनसरी २ क प्रदेशसभा प्रत्यक्ष तर्फ नेकपा एमालेका उम्मेद्वार रेवती रमण भण्डारीले १००६९ मत प्राप्त गरेका छन भने निकटतम प्रतिद्वन्दी एमालेबाट बिद्रोह गरी माओवादी प्रवेश गरेका इटहरीका पुर्व मेयर द्वारिकालाल चौधरी ८२३१ मत प्राप्त गर्दै दाेस्राे स्थानमा परेका छन भने राष्ट्रीय प्रजातन्त्र पार्टीका उम्मेद्वार मोहन बस्नेत ६३२० मत ल्याएर तेस्राे स्थानमा पछ्याइरहेका छन । कांग्रेसबाट बिद्रोह गरि बागि उम्मेद्वारी दिएका दिपेन्द्र घिमिरेले २९८३ मत प्राप्त गर्दै चौथो स्थानमा परेका छन ।

प्राप्त मतलाइ सर्वेक्षण गर्दा माओवादी केन्द्रका चौधरी आफ्रनै क्षेत्रबाट पछि पर्दै गएका छन । स्थानिय तह निर्वाचनमा एमालेले बहुमत प्राप्त गरेको क्षेत्रमा रिक्सा र हलो तर्फ मत खसेको छ । स्थानिय तह निर्वाचनमा एमालेको लागि वडा वडामा पुगी उम्मेद्वारलाइ मत मागेका इटहरीका पुर्व मेयर चौधरीले निर्वाचनकै बेला पार्टि परित्याग गर्नु उनकोलागि घातक बनेको उनले प्राप्त गर्दै गरेको मतले पनि देखाएको छ । सुनसरी २ क मा इटहरीको वडा १,२,३,४,५,१६ को गणना सकिएको छ ।

उक्त वडामध्ये स्थानिय तहको निर्वाचनमा इटहरी १ बाहेक सबै वडामा एमालेले बहुमत ल्याएर बिजयी भएको थियो । अहिले एमालेमा आउने मत स्वतन्त्रको रिक्सा र हलोमा खनिएको छ भने माओवादी केन्द्रका उम्मेद्वार चौधरीलाइ आउने मत एमाले तर्फ खनिएको मत परिणामबाट देख्न सकिन्छ ।

तपाईको प्रतिक्रिया