समलिङ्गीले गरे धुमधाम विवाह, दुनियाँका लागि अस्तित्वको सन्देश दिएको दाबी

काठमाडौं / नेपालीसहित भारतीय समाजमा समलिङ्गी विवाहलाई लिएर विवाद कायम छ । तर भारतमा समलिङ्गी विवाह गर्नेहरुको संख्या बढ्दैछ । यो बीचमा सुप्रियो चक्रवर्ती र अभय डाँङले तेलंगानामा समलिङ्गी पुरुषहरूको पहिलो विवाह गरेका छन् ।

उनीहरूको लगभग दशक लामो सम्बन्धलाई अगाडि बढाउँदै विवाह गरेका हुन् । सुप्रियोले आफ्नो विवाहले सबैलाई खुसी हुन कसैको अनुमति चाहिँदैन भन्ने बलियो सन्देश दिएको बताएका छन् । उनीहरु तेलंगानाको पहिलो समलिङ्गी जोडी मानिएका छन् । विवाह दर्ता हुन नसके पनि परिवारका सदस्य र आफन्तजन समारोहमा भेला भएका थिए ।

g

शनिबार त्यहाँ नजिकैको रिसोर्टमा आयोजित विवाह समारोहमा ३१ वर्षीय सुप्रियो र ३४ वर्षीय अभयले औँठी लगाएका थिए । त्यसरी उनीहरुले सँगै हुने वाचा गरेका हुन् । विवाह समलिङ्गी जोडीकी साथी सोफिया डेभिडले गरेका थिए, जो आफैं समलिङ्गी समुदायकी हुन् । १७ र १८ डिसेम्बरमा दुई दिन विवाह भएको सुप्रियोले बताएका छन् । उनले भने, ‘यो एक कार्यक्रम थियो, जहाँ हामी सबै नजिकका साथीहरू र आफन्तहरू संलग्न थिए । हामीले मेहेन्दी र संगीतको साथ विवाह संस्कार सुरु गर्यौं । म र अभय फरक–फरक राज्यका हौं ।

अभय पञ्जाबी हो र म बङ्गाली हुँ । हामीले शनिबार हल्दी समारोह गरेका थियौं र सोफिया डेभिडले हाम्रो विवाह देखे ।’ तपाईंलाई जानकारी गराउ कि सुप्रियो र अभय आतिथ्य र सूचना प्रविधि क्षेत्रमा काम गरिरहेका छन् । दुईजना २०१२ मा एक अनलाइन डेटिङ एप मार्फत भेटेका थिए र त्यतिबेलादेखि नै सँगै बस्दै आएका थिए ।

सुप्रियोले विवाहलाई साथी र परिवारसँग मिलनको उत्सवको रूपमा मनाइएको बताए । भारतमा समलिङ्गी विवाहलाई कानुनी मान्यता दिएपछि उनीहरुको विवाह दर्ता गराउने बताएका छन् ।

तपाईको प्रतिक्रिया