अनलाइन कक्षालाई थप व्यवस्थित बनाउँदै विद्यालय संचालन गर्नेछाै : टिकाराम ढकाल

सुन्दरहरैंचा / मोरङ सुन्दरहरैंचाको सलकपुरमा वि स २०४८ सालमा स्थापना भएर संचालन हुदै आएको ब्राइट फ्युचर मा.वि.का प्रिन्सिपल टिकाराम ढकालले २०५६ साल देखि विधालयको नेतुत्व गर्दै आएका हुन । ढकाल प्याब्सन प्रदेश न १ का वरिष्ठ उपाध्यक्ष समेत हुन । शिक्षा र प्याब्सनको गतिविधिमा लामो समयदेखि सक्रिय रहदै आएका ढकाल कोरोना कहरले शिक्षा क्षेत्रलाई बढी प्रभावित बनाएर लाखौं विद्यार्थीको भविष्यमा प्रश्न चिन्न खडा गरेको बताउँछन । ढकाल स्थानिय , प्रदेश तथा संघिय सरकारले अब शिक्षाको हित र विकासका लागि विद्यालय संचालनमा आवश्यक पहल गर्नु पर्ने बताउँछ ।

ढकालले बिस्तारै निश्चित विन्दुमा पुगेर कोरोना ओरालो लाग्ने तथा यसको त्रास हट्दै जाने भएकोले जनजिवनलाई सुरक्षित राखेर आवश्यक मापदण्डका साथमा शिक्षा क्षेत्रको कार्यलाई अब अघि बढाउँन जरुरी भएको बताउँछन् । उनले यो समयको अप्ठ्यारो घडीमा शिक्षक ,विद्यार्थी तथा अभिभावक बिचको त्रिपक्षीय सम्बन्ध झनै सकारात्मक तथा बलियो हुन आवश्यक भएको समेत उल्लेख्य गरे । उनले विद्यार्थीहरुको उज्ज्वल भविष्यका लागि नेपाल सरकार शिक्षा ,विज्ञान तथा प्रविधि मन्त्रालयले जारी गरेको विद्यार्थी सिकाइ सहजिकरण निर्देशिका अनुसार यसैलाई ध्यानमा राखेर शिक्षण सिकाइ कार्यलाई निरन्तरता दिने बताए ।

ढकाल विद्यार्थीहरुले कुनै डर त्रास विना ,सुरक्षित भएर रहदै अनलाइन कक्षा मार्फत भए पनि ढुक्क भएर आफ्नो पढाइ लेखाइलाई अगाडी बढाउँन अति आवश्यक भएको बताउंछन् । उनले घरमै भए पनि विद्यार्थीहरुले अतिरिक्त क्रियाकलापका साथै व्यवहारिक ज्ञानलाइ समेत जोड दिन अनुरोध समेत गरेका छन् । ढकाल अबको शिक्षा झनै व्यवहारिक ,समय अनुकुल तथा रोजगारी मूलक हुनु पर्ने बताउँछन । उनी संग कोरोना कहरका बिचमा विधालयको वर्तमान अवस्था , भावी योजना तथा शिक्षा क्षेत्रको सेरोफेरोमा रहेर गरिएको समसामयिक भिडियो कुराकानी ।

तपाईको प्रतिक्रिया