बीपी प्रतिष्ठानको लापारबाहीको पराकाष्ठा : झापा कचनकवजका २७ काेराेना संक्रमितलाई प्रतिष्ठानले भर्ना लिन मानेन, संक्रमित रातभर गेट बाहिरै

धरान /  दिनप्रतिदिन कोरोना संक्रमण बढ्दै गएको बेला अस्तालहरुले यस्ता विरामीहरुलाई सहज रुपमा उपचार गर्न कठिन हुन थालेको छ । झापाको कचनकवज गाउपालिकाबाट शुक्रबार राति ल्याइएका २७ जना सक्रमणलाई कोभिड उपचार सेवा शुरु गरेको बीपी प्रतिष्ठानले बेड नभएको भन्दै रातभर बाहिर राखेसंगै नेपालको उपचार पद्धतिमाथि नै प्रश्न चिन्ह खडा भएको छ ।

दश बजे ल्याइएका उनीहरुलाई वेड अभाव देखाउदै र प्रतिष्ठानसंग समन्वय नगरेको भन्दै उनीहरु रातभर बाहिर बस्नुपर्ने बाध्यता भएको छ । यसले थप संक्रमणको जोखिम बढाएको छ । करिब साढे ९ बजे बीपी प्रतिष्ठान ल्याइएका उनीहरुले बेडकै अभावका कारण रातभर बाहिर बस्नुमात्र परेन राम्रोसंग खान समेत पाएका थिएनन् ।

प्रतिष्ठानमा अहिले पनि कोरोना संक्रमित विरामी ६७ जना रहेका छन् । ७० जनासम्म मात्र लिन सक्ने क्षमता भएकोले समन्वय नगरी यहा ल्याइएका कारण समस्या भएको बीपी कोइराला स्वास्थ्य विज्ञान प्रतिष्ठानका प्रवक्ता डा. निदेश सापकोटाले जानकारी दिए । यो घटना सार्वजनिक भएपछि प्रदेश सरकारका सामाजिक विकास मन्त्री जीवन घिमिरे वीपी प्रतिष्ठान अाएका थिए । उहाले यस अघि नै प्रदेश सरकारासंग छलफल भइसके पनि बीपीले लापारबाही गरेको बताए ।

उनले कोरोना संक्रमणलाई रातभर बाहिर राख्नु बीपीको लापारबाहीको पराकाष्ठा भएको बताए । उनले यस विषयमा प्रतिष्ठानका उपकुलपति प्रा.डा ज्ञानेन्द्र गिरीसंग पनि छलफल भएको बताएका छन्। अबका दिनमा यस्ता गल्ति नदोहोरियोस् भन्ने छलफलबाट निष्कर्ष निकालिएको समेत उहाले जानकारी दिए । अहिले भने उनीहरुलाई प्रतिष्ठानले व्यवस्थित गरिसकेको छ ।

समसामयिक बिषयमा कलम चलाउनुहुने बस्नेत पूर्वेली न्युजका सिनियर सह सम्पादक हुनुहुन्छ ।

गोविन्द बस्नेतबाट थप

वी.पी. प्रतिष्ठानकाे डिनमा प्रा.डा. शिवेन्द्र झा नियुक्त

वीपी प्रतिष्ठानमा निशुल्क टेलिफोन स्वास्थ्य परामर्स सेवा सुरु

स्वास्थ्य सामाग्री वितरण गर्दै बराह ग्रुपले मनायाे आफ्नो २६ औं बार्षिकोत्सव

धरानमा लकडाउन थप एक साता बढाइयो

धरान स्थित पालिका बजारमा आगलगी हुँदा ११ वटा पसल जलेर नष्ट, पिडित भन्छन् समयमा दमकल नआएकै कारण ठूलो क्षति (तस्विरहरू सहित)

बुद्धचौकमा चिन्डो प्रतिमा अनावरण

धरानमा गाजा विक्री वितरण गर्ने एक जना पक्राउ

खैरो हिरोइनसहित धरानमा तीन जना पक्राउ

धरानमा पहिरो र कटानले धेरै क्षति, दीर्घकालीन समाधान नहुदा जोखिम बढ्दै

धरानबाट विप्लवका सुनसरी जिल्ला इन्चार्ज प्रक्राउ

तपाईको प्रतिक्रिया