प्राज्ञ उपेन्द्र पागलकाे अवसानले अपूरणीय क्षति

सुन्दरहरैंचा / साहित्यकार तथा प्राज्ञ उपेन्द्र पागल बस्नेतको बुधबार इनरुवा–६ मधेसा स्थित आफ्नै निवासमा ७८ वर्षको उमेरमा भएको निधनले भाषा ,कला र साहित्यकाे क्षेत्रमा अपूरणीय क्षति भएको छ ।

दम, निमोनिया लगायतका कारण श्वासप्रश्वासको समस्याबाट ग्रसित वस्नेत लामाे समय देखि विरामी हुँदा केही महिना देखि उहाँलाई अक्सिजन दिएर राखिएकाे थियाे । साहित्यकार तथा प्राज्ञ बस्नेतको जन्म १९९९ सालमा सुनसरी जिल्लाको मधेसामा भएको थियाे । कलमवीर बहुआयमिक बस्नेतले कलमलाई कविता,गीत कथा,लेख,निबन्ध र समालोचनमा सफलता पूर्वक अघि बढाउँदै ,मूर्त र अमूर्त धेरै चित्रकलाहरुमा समेत प्रस्तुत गर्नु भएको थियाे । चित्रकला तर्फ सयौंका रचना ,पुस्तक , पत्रिकाहरुकाे आवरणमा सुन्दर चित्रहरु सज्जिएका छन् । उहाँको दश ओटा भन्दा बढी साहित्यिक कृतिहरु प्रकाशित छन् भने पाँच ओटा जति प्रकाशोन्मुख छन् ।

धेरै पुस्तक पत्रपत्रिकाहरुको सम्पादन,शिक्षणपेशा तथा सरकारी जागिरमा समेत समय बिताउँनु भएकाे उहाँ अरुको प्रेरणाको स्रोत तथा आफु ओझलमा परेर अरुलाई उठाउँन चाहने सरल स्वभाव अनि मिलनसारका नमूना समेत हुनुहुथ्याे । उहाँले घरको कोठा–चोटाका भित्ता खाली नहुने गरि सबैतिर समान पत्रले ढाकिने गरि मोफसलमा रहेर जनस्तरका ५ दर्जन भन्दा बढी सङ्घ संस्थाबाट पुरस्कार,सम्मान तथा कदर पत्रहरु प्राप्त गर्नु भएको छ । उहाँ एक विशिष्ट उत्प्रेरकको तथा स्थापित स्रष्टा हुनुहुन्थ्यो । पछिल्लो समयमा उहाँ शरीरले साथ नदिँदा नदिँदै पनि विभिन्न स्थानमा आयोजित कार्यक्रमहरूमा उपस्थित भएर युवा लेखकहरूलाई जगाउने खालका प्रवचन र प्रेरणा दिनुहुन्थ्यो ।

सुकुना बहुमुखी क्याम्पसको पूर्व उपप्राध्यापक समेत रहनु भएका वस्नेतद्धारा रचना भएका केही गीतहरु रेकड समेत भएका छन् । उहाँको योगदानको उच्च मुल्याङ्न गदै इनरुवा नगरपालिकाले विगत बर्षमा भव्य नागरिक अभिनन्दन समेत गरेको थियाे । विभिन्न एक दर्जन भन्दा बढी साहित्यिक सङ्घ संस्थाहरुमा संंलग्न उहाँले पिण्डेश्वर महाविद्यालयबाट शास्त्री तथा नेपाली बिषयमा स्नातकोत्तर गर्नु भएको थियाे । पछिल्लो पटक उहाँको उराँव जातिको सांस्कृतिक अध्ययन नामक पुस्तक प्रकाशनको तयारीमा थियो । पागलका श्रीमती र ६ जना छोरीहरु हुनुहुन्छ । सरल,बहुमुखी प्रतिभाका धनि पूर्वका ज्येष्ठ स्रष्टा बस्नेतकाे निधनले भाषा ,कला र साहित्यकाे क्षेत्रमा अपुरणिय क्षति भएको सामाजिक सञ्जालमा उहाँका शुभचिन्तक तथा साहित्य क्षेत्रका स्रष्टाहरुले व्यक्त गर्नु भएको छ ।

एक विशिष्ट उत्प्रेरकको अवसान : भाषाविद् आचार्य अमृत

उपेन्द्र पागल अब मिति देखि आफ्नो पार्थिव शरीरमा रहनु भएन । उहाँका विभिन्न कालखण्डका सहकर्मीहरूले उहाँको सान्निध्य गुमाए । उहाँका सहपाठीहरू स्तब्ध भए । उहाँको बिछोडबाट ज्यादै शोकमा पर्ने समूहचाहिँ उहाँका विद्यार्थीहरू हुन् । सुकुना बहुमुखी क्याम्पसमा रहेका समयमा उहाँले धेरै युवा विद्यार्थीहरूलाई साहित्यकार बन्ने आधारभूमि तयार गरिदिनुभयो ।

उहाँकै अभिभावकत्वमा क्याम्पसमा सुकुना साहित्यिक विद्यार्थी समाजको स्थापना भयो जसले जमर्काका पाइलाहरू नामक साहित्यिक पत्रिकाका विभिन्न अङ्क प्रकाशन गर्यो । उक्त समाजको निरन्तरता आजसम्म पनि रहिरहेको छ । विद्यार्थीहरूलाई आफ्नै सन्तानजस्तो व्यवहार गर्ने र साह्रै नरम बोलीवचन भएका कारणले उहाँसँग सबै विद्यार्थीहरू झ्याम्मिने गर्दथे । क्याम्पसमा अध्ययनरत विद्यार्थीहरूलाई मात्र होइन, क्याम्पसबाट निस्किसकेका विद्यार्थीहरूलाई समेत उहाँ फोन गरेर जानकारी लिइरहनुहुन्थ्यो र उनीहरूको अभिरुचि अनुसार प्रेरणा दिइरहनुहुन्थ्यो ।

उहाँ आफैँ एक स्थापित स्रष्टा हुनुहुन्थ्यो । विशेषत: कविता, निबन्ध र कथामा उहाँको लेखनी सक्रिय रहन्थ्यो, अनि समालोचनामा पनि उहाँको अभिरुचि थियो । पछिल्लो समयमा उहाँ शरीरले साथ नदिँदा नदिँदै पनि मुलुकका विभिन्न स्थानमा आयोजित कार्यक्रमहरूमा उपस्थित भएर युवा लेखकहरूलाई जगाउने खालका प्रवचन दिनुहुन्थ्यो । उमेरमा कम हुनेहरूले त उहाँलाई मान्थे नै, उहाँभन्दा जेठा विद्वज्जनहरू पनि उहाँलाई विशेष आदर र सम्मान गर्दथे । उहाँको बहिर्गमनले नेपालीको निकै ठूलो हिस्सा मर्माहत भएको छ, हामी भएका छौँ ।

मुलुक लक डाउनमा रहेका बेला उहाँ बित्नुभयो, यो महासङ्कट भएका कारणले कतै निस्कन सक्ने अवस्था रहेन । उहाँको अन्त्येष्टिमा सहभागी हुन नपाएको हुँदा ज्यादै दु:ख लागेको छ । उहाँका सम्पूर्ण हितचिन्तकका तर्फबाट म उहाँमा भावपूर्ण श्रद्धाञ्जलि अर्पण गर्दछु, साथै उहाँका परिवार जनमा हार्दिक समवेदना व्यक्त गर्दछु । पागल सरका आत्माले चिरशान्ति पाओस्…।

समसामयिक बिषयमा कलम चलाउनुहुने दाहाल पूर्वेली न्युजका समचार सम्याेजक हुनुहुन्छ ।

मणिराम दाहालबाट थप

सुन्दरदुलारी उवास मार्फत सुन्दरहरैंचामा कार्यरत पत्रकारकाे बिमा

पिएलओद्वारा सुरक्षाकर्मीलाई समाग्री वितरण

घरघरमा सागसब्जी पुऱ्याउँदै सुन्दरहरैँचाका युवा

पिएलओद्वारा ह्विलचेयर वितरण तथा रक्तदान कार्यक्रम सम्पन्न

सुन्दरहरैंचामा सामुदायिक विद्यालयद्वारा राहत प्रदान

लकडाउनमा यस्तो देखियाे सुन्दरहरैंचा (२६ तस्विरहरू)

नेविसंघ सुन्दरहरैंचाद्वारा खाद्यान्न सामग्री हस्तान्तरण

सुन्दरहरैंचामा प्याब्सनद्वारा राहत समाग्री प्रदान

पूर्वाञ्चल ल्युब आयलद्वारा राहत सामग्री प्रदान

सुन्दरहरैंचामा विभिन्न संघ संस्था तथा व्याक्तिले प्रदान गरेकाे राहतलाई बाड्न शुरु

तपाईको प्रतिक्रिया

Loading…