धरान महोत्सव २०७६ सुरु ( १७ तस्विरहरू)

धरान / नेपाल भ्रमण बर्ष २०२० लाई स्वागत गर्दै धरानमा तीन दिने धरान महोत्सव–२०७६ सुरु भएको छ । धरानको स्थापना दिवसको अवसर पारेर भ्रमण वर्षलाई सफल पार्न भन्दै धरान उपमहानगरपालिकाले आयोजना गरेको धरान महोत्सव शुक्रबारदेखि सुरु भएको हो । उद्घाटन समारोहमा विभिन्न जात जातिको मौलिक झाकी समेत प्रदर्शन गरिएको थियो ।

महोत्सवमा घुम्न जाऔ धरान लेखिएको टिसर्ट र ब्याचको सार्वजनिक गरिएको थियो । घुम्न जाऔ धरान लेखिएको झण्डा बोकेर एक नं. प्रदेशका विभिन्न सहर भ्रमण गर्न निस्किएका करिब ३० वटा रोयल इन्फिल्ड (बुलेट) बाइकको विदाइ समेत गरिएको थियो । महोत्सवमा स्थानीय कृषि उत्पादन तथा औद्योगिक उत्पादनको विक्रि तथा प्रदर्शनीको स्टल राखिएको छ । त्यस्तै प्रत्येक दिन विभिन्न जातजातिको झाकी सहितको साँस्कृतिक प्रस्तुतीका साथै धरान भित्र रहेको पर्यटकिय स्थलको प्रबद्र्धन गर्ने कार्यक्रम रहेको छ ।

महोत्सवमा ७० भन्दा बढी स्टलहरु राखिएका छन् । जसमा स्थानीय कृषि उत्पादनका वस्तुहरु, जातिय पोशाकको विक्रि तथा प्रदर्शनी, फोटो प्रदर्शनी, जातिय परिकारको स्टल, विभिन्न विद्यालयका विद्यार्थीहरुको वर्कसप, पुस्तक प्रदर्शनी तथा विक्रि लगायत व्यवसायिक स्टल समेत राखिएको छ ।

महोत्सवलाई एक नं. प्रदेशका सभामुख प्रदीपकुमार भण्डारीले गरेका छन् । उद्घाटन कार्यक्रममा बोल्दै सभामुख भण्डारीले नेपाल सरकारले घोषणा गरेको भ्रमण वर्ष २०२० लाई सफल पार्न सबै पक्ष लाग्नु पर्ने बताउनुभयो । कार्यक्रममा धरान उपमहानगरपालिकाका मेयर तिलक राईले धरानले ५ लाख पर्यटक भिœयाउने लक्ष राखेको बताउनुभया । उहाले धरानमा पछिल्लो समय साहासिक पर्यटनमा आकर्षण बढी रहेको बताउँदै होम स्टेमा समेत पर्यटकहरुको आकर्षण बढ्दो रहेको बताउनुभयो ।

कार्यक्रममा संघिय सांसद जयकुमार राईले धरान तराई र पहाडको संगम स्थलको रुपमा रहेकोले छिमेकी देशबाट धेरै पर्यटकहरु आउने गरेको बताउनुभयो । उहाले सिक्किम, दार्जिलिङ, बंगलादेश, विहार लगायत भारतबाट धेरै पर्यटक आउने गरेकोले धरानको प्रचार सो स्थानसम्म गर्नुपर्ने आवश्यकता रहेको बताउनुभयो ।

समसामयिक बिषयमा कलम चलाउनुहुने बस्नेत पूर्वेली न्युजका सिनियर सह सम्पादक हुनुहुन्छ ।

गोविन्द बस्नेतबाट थप

वी.पी. प्रतिष्ठानकाे डिनमा प्रा.डा. शिवेन्द्र झा नियुक्त

वीपी प्रतिष्ठानमा निशुल्क टेलिफोन स्वास्थ्य परामर्स सेवा सुरु

स्वास्थ्य सामाग्री वितरण गर्दै बराह ग्रुपले मनायाे आफ्नो २६ औं बार्षिकोत्सव

धरानमा लकडाउन थप एक साता बढाइयो

धरान स्थित पालिका बजारमा आगलगी हुँदा ११ वटा पसल जलेर नष्ट, पिडित भन्छन् समयमा दमकल नआएकै कारण ठूलो क्षति (तस्विरहरू सहित)

बुद्धचौकमा चिन्डो प्रतिमा अनावरण

धरानमा गाजा विक्री वितरण गर्ने एक जना पक्राउ

खैरो हिरोइनसहित धरानमा तीन जना पक्राउ

धरानमा पहिरो र कटानले धेरै क्षति, दीर्घकालीन समाधान नहुदा जोखिम बढ्दै

धरानबाट विप्लवका सुनसरी जिल्ला इन्चार्ज प्रक्राउ

तपाईको प्रतिक्रिया