मकवानपुरमा विमान दुर्घटना नभएकाे पुष्टी

मकवानपुर / मकवानपुर जिल्लाको मकवानपुरगढी र बकैया गाउँपालिकाको सीमाकाे डाडामा देखिएको ठूलो आगोको मुस्लो जङ्गलमा आगो लागेको पुष्टि भएको छ । सो स्थानमा विमान वा अन्य कुनै दुर्घटना नभएको जिल्ला प्रहरी कार्यालयका प्रहरी निरीक्षक पवन कुमार झाले पुष्टि गरेका हुन् । यस अघि विमान दुर्घटना भएको भन्दै हल्ला चलेकाे थियो ।

स्थानियले पनि साे स्थानमा विमान दुर्घटना भएकाे आशंका गरेका थिए । यस अघि नै नागरिक उड्डयन प्राधिकरणका महानिर्देशक राजन पोखरेलले पनि विमान दुर्घटनाको कुनै सूचना नआएको र सबै विमान संपर्कमै रहेको बताएका थिए ।