बिपि स्वास्थ्य बिज्ञान प्रतिष्ठान धरान चुस्त र दुरुस्त रहेको शिक्षाध्यक्ष खनालको दावी (भिडियो सहित)

धरान । सुनसरीको धरानमा सञ्चालित बिपि स्वास्थ्य बिज्ञान प्रतिष्ठानका बारेमा भ्रम सिर्जना गर्ने हेतुका साथ गलत अफवाह फैलाईएको भएपनि प्रतिष्ठान चुस्त र दुरुस्त रुपमा सञ्चालन भईरहेको निमित्त उपकुलपति तथा शिक्षाध्यक्ष गुरुप्रसाद खनालले दाबी गरेका छन । पूर्वेली न्युज सँग कुराकानी गर्दै आईतबार खनालले प्रतिष्ठानको बदनाम गर्ने हेतुका साथ गरिएको गलत प्रचारको कुनै तुक नभएको समेच बताए । आफु शिक्षाध्यक्ष भएर आएपछि प्रतिष्ठान तन्दुरुस्त रहेको र कुनै समस्या नभएको पनि उनले बताए । बिगतमा के भयो भन्नु भन्दा पनि अहिले के भईरहेको छ र भोलिका दिनमा के हुनेवाला छ भन्ने कुरा महत्वपुर्ण रहेको उनले बताए ।

बिगतका दिनमा प्रतिष्ठानमा अनियमितता, भ्रष्टचार लगायतका बिषयमा केही गलत प्रचार भएको समेत उनले बताए । एकजनाले गल्ति गर्दा सिंगो प्रतिष्ठानलाई गाली गर्नु र बदनाम गर्नु गलत रहेको उनको तर्क थियो । गलत गर्नेहरु कानुनको दायरामा आउने समेत उनले बताए । बिगत २२ बर्षदेखि प्रतिष्ठानमा कार्यरत खनालले आफु शिक्षाध्यक्ष भएपछि धेरैले प्रतिष्ठान सुधार हुने आशा राखेको र सोही अनुरुप आफुले काम समेत गरिरहेको बताए ।

बिपि प्रतिष्ठानमा हाल कुनै समस्या नभएको बिगतमा भएका गुट,उपगुट,राजनीति सबै समाप्त भएको र मिडियामा आएजस्तो कुनै सामाग्री नबिग्रिएको र बिग्रिएका सामान समेत बनिसकेका कारण हाल कुने समस्या नभएको बताए । चाँडै प्रतिष्ठानमा बिरामीहरुले लाईन लागेर टिकट काटनुपर्ने अबस्था समेत अन्त्य भई घरबाटै एप्स मार्फत टिकट काट्ने ब्यबस्था सिर्जना गर्न लागीपरेको उनले बताए । प्रतिष्ठान अस्पताल मात्र नभएर दक्ष जनशत्ति उत्पादन गर्ने थलो समेत भएका कारण कुनैबेला बिरामीलाई केही समस्या भएको भएपनि अब त्यस्तो नहुने समेत उनले बताएका छन ।

Loading…

तपाईको प्रतिक्रिया

Loading…

Loading…