किरा परेर बेबारिसे बिरामीको मृत्यु

इटहरी । शनिवार दिउँसो १ बजे धरानको विपी कोइराला स्वास्थ्य विज्ञान प्रतिष्ठानमा करिब ४० वर्षको ज्युँदो युवा शरीर देखियो । कम्मर मुनिको हरिया ठुला झिगा र स्याउ स्याउति परेका किरा थियो । बाहिरबाट हरियाली र विशाल देखिने एसियामै नाम चलेको अस्पतालको इमर्जेन्सी ब्लक पुरै दुर्गन्धित थियो। विगत १५ दिन देखि मृत्यु पर्खिरहेको एउटा बेवारिसे शरीर थियो । शनिवार १ बजे सम्म चलढल नगर्ने तर नजिकै बाट सास फेर्दा शरीर अलेली हल्लिन्थ्यो। किराले खादै गरेको दृश्य बेलाबेला अस्पतालका आएकाहरु आउने गर्थे ।

कसैले पनि छुने र चलाउने आँट गर्न नसक्ने अवस्था थियो । बेवारिसे बिरामीको गन्धको कारण इमरजेन्सीमा आफन्त रुग्न आएका निरोगी मान्छे पनि रोगी हुने स्थिति थियो । नाम र ठेगाना पत्ता नलागेकोले स्याउँस्याउँती किरा परेपनि प्रतिष्ठानले उपचार गरेन । बरु उनी बाहिर आएर सुते । सुतेकै अवस्थामा शनिवार दिउसो ५ बजे उनको मृत्यु भयो । बेवारिसे मृत व्यक्ति मात्र हैन अस्पतालमा भएका बेवारिसे बिरामीको अवस्था पनि उस्तै छ । केही दिन अगाडी सम्म नारायण नाम बताउने बेवारिसे बिरामीको अर्थ विभागमा उपचार भइरहेको थियो ।

पुन खुट्टा भाच्चीएर चटपटाउ नसक्ने नारायणलाइ पुन अस्पतालमा बेवारिसे भए । डाक्टर देवराज घिमिरेले आफ्नो पहलमा नारायणको खुट्टाको अपरेसन गराइदिए । प्रतिष्ठानको इमर्जेन्सी वार्डको ड्युटीमा रहेका प्रहरी जवान मणिकुमार गिरी अधिकांश बेवारिसे बिरामीहरू उपचार र हेरचाह नभएर अकालमा मर्ने गरेको बताउँछन् । ’ सामाजिक सङ्घसंस्था मान्छेहरूले ल्याएर छाड्ने गर्छन् गिरि भन्छन् ’ छाडेर गएपछि हेर्न आउने त्यति हुँदैन, अस्पतालले प्रशासनले नि हेर्दैन लास्टमा मर्छन् ।

नारायण सँगै अर्का एक बेवारिसे बिरामीको पनि इमरजेन्सी कक्षमै उपचार भइरहेको । केही बोल्न र चटपटाउन समेत नसक्ने उनी मृत्यु कुरेर बसीरहेकाछन् । छाला भित्र हड्डी मात्र देखीने उनले सामान्य स्लाईन पानी बाहेक अन्य औषधि पाउन सकेका छैनन् ।

तपाईको प्रतिक्रिया

Loading…