बराहक्षेत्र चतरामा दोस्रो पिण्डेश्वर अर्ध महाकुम्भ मेला शुरु, मुख्यमन्त्री शेरधन राईले गरे उद्घाटन

धरान / नेपालकै महत्वपूर्ण मानिएको धार्मिक मेला दोस्रो पिण्डेश्वर अर्ध महाकुम्भ मेला आजबाट सुनसरीको बराहक्षेत्र नगरपालिका चतरामा शुरु भएको छ । महाकुम्भको उद्घाटन प्रदेश नं. १ का मुख्यमन्त्री शेरधन राईले गर्नुभएको छ । सपटकको धार्मिक महाकुम्भ मेला शुरु भएसंगै यसलाई सफलतापूर्वक सम्पन्न गर्न प्रदेश सरकार, स्थानीय सरकार बराह क्षेत्र नगरपालिका, चतराबासी, धर्म गुरुहरु, स्थानीय प्रशासन लागि परेका छन् । उनीहरुले एक महिनासम्म चल्ने यो अर्धमहाकुम्भ मेलालाई हरेक दृष्टिकोणले सफल बताउने प्रतिबद्धता समेत जनाएका छन् ।

चैत्र २३ देखि ०७६ वैसाख २४ गते अर्थात एक महिना सुनसरीको प्राचीन हरिद्वार चतरामा प्रदेश नं. १ का म्ख्यमन्त्री शेरधन राईले उद्घाटन गरेसंगै विधिवत रुपमा शुरु भएको छ । वेद तथा स्कन्द पुराणमा समेत उल्लेख भएको चतराको महिमालाई जीवन्तता दिन र देश विदेशसम्म यसको महिमा फैल्याउने उद्देश्यले आयोजना गरेको यो कुम्भ मेला सफल बनाउन प्रदेश सरकार गम्भीर रहेको मुख्यमन्त्री शेरधन राईले बताउनुभयो । उहाले सुनसरीको चतरालाई केन्द्र विन्दु बनाएर पूर्वमा रहेका धार्मिक क्षेत्रहरुलाई धार्मिक पर्यटनको रुपमा विकास गर्न प्रदेश सरकारले योजना अगाड बढाएको बताउनुभयो । उहाले धार्मिक पर्यटनसगै सप्तकाशीलाई जल पर्यटनका हव बनाएर लाने प्रतिबद्धता समेत जनाउनुभयो ।

अर्धमहाकुम्भ मेला आयोजन समितिमात्र हैन चतराका सन्त महासन्तले समेत यस मेलालाई सफलतापूर्वक सम्पन्न गर्ने प्रतिबद्धता जनाएका छन् । चतराका धार्मिक क्षेत्रको विकासमा महत्वपूर्ण योगदान पु¥याउदै आउनु भएका कृष्णदाश महाराजले बालसन्त महाराजले ६ बर्ष अगाडि शुरु गर्नुभएको कुम्भ मेलालाई सबैले सहयोग गर्नुपर्न बताउनुभयो । उहाले धार्मिक पर्यटकीय क्षेत्र पुराणमा समेत वर्णन गरिएको यस क्षेत्रका वकासमा अब संघ, पदेश तथा स्थानीय सरकाले सहयोग गर्नुपर्ने बताउनुभयो ।

सम्बोधन गर्ने अधिकांश वक्ताहरुले चतरा सुनसरीको मात्र नभई प्रदेश तथा मुलुककै महत्वपूर्ण तथा ऐतिहासिक धार्मिक क्षेत्र भएको बताएका थिए । विराटनगर महानगरपालिकाका प्रमुख भीम पराजुलीले सुनसरीको चतरा मुलुककै गहना तथा पदेश नं. १ को धर्मिक पर्यटकीय क्षेत्र भएकोले तीनै सरकारले यसको विकासमा जोड दिनुपर्ने बताउनुभयो । उद्घाटन कार्यक्रममा प्रदेश नं. १ का सभामुख प्रदीपकुमार कार्की, संघीय ममिला तथा कानुनमन्त्री हिकमत कार्की, पर्यटन मन्त्री जगदिश कुसैत लगायतले चतरा प्रदेश नं. १ कै गहना भएको बताएका थिए ।

सो अवसरमा धार्मिक क्षेत्रमा योगदान पु¥याउनुहुने व्यक्तित्वहरुलाई सम्मान समेत गरिएको थियो भने धार्मिक पुस्तकहरु विमोचन गरिएको थियो । कार्यक्रमको उद्घाटन प्रधानमन्त्री केपी शर्मा आलीद्वारा गरिने भनिएको भए पनि मौसम खराबीका कारण उहा उपस्थित हुन सक्नु भएन । तर उहाले कु्म्भ मेला सफलता पूर्वक सम्पन्नको शुभकामना भने दिनुभएको थियो । उहाले पठाउनु भएको शुभकामना कार्यक्रम सञ्चालकले पढेर सुनाउनु भएको थियो । जे होस् नेपालकै महत्वपूर्ण मानिएको यो मेलाका लागि देश तथा विदेशबाट आउने भक्तजनको सुरक्षा, आवास, शौचालय, विद्युत लगायतका सम्पूर्ण सेवा भने उपलब्ध गराएको छ । यस्ता खालका धार्मिक मेलाले धार्मिक क्षेत्रको महत्व बढेर जाने उपस्थित भक्तजनहरुले गरेका छन् ।

Subscribe Purbeli TV

समसामयिक बिषयमा कलम चलाउनुहुने बस्नेत पूर्वेली न्युजका धरान सहकर्मी हुनुहुन्छ ।

गोविन्द बस्नेतबाट थप

धरान उपमहानगरपालिकाले मजदुरहरुको सूचिकृत गर्ने

धरानकाे तिनवटै दमकल काम नलाग्ने अवस्थामा

बराहक्षेत्र चतरामा दोस्रो पिण्डेश्वर अर्ध महाकुम्भ मेला शुरु, मुख्यमन्त्री शेरधन राईले गरे उद्घाटन

सुनसरीको बराहक्षेत्रमा दोस्रो अर्धमहाकुम्भ मेलाको सम्पूर्ण तयारी पूरा (४२ तस्विरहरू)

धरानदेखि विष्णुपादुका भन्ज्याङसम्म पुग्ने २३ किलोमिटर कच्ची सडकको स्तरान्नति हुँदै

सुख्खा मौसम आएसंगै धरानमा पानीको चरम अभाव

पौष १६ देखी धरानमा इन्द्र वराह मेमोरियल एमच्योर ओपन गल्फ प्रतियोगिताकाे पाचौ संस्करण

वीपी प्रतिष्ठानमा स्वास्थ्यमन्त्री यादव, राजनीतिक आवरण नभिरेको ब्यक्ती भिसि नियुक्ती गर्न प्रतिष्ठानका पदाधिकारीहरूकाे माग

धरान स्थित हार्डवेयर पसलमा आगलागी

धरानमा आगलागी

तपाईको प्रतिक्रिया

Loading…