धरानदेखि विष्णुपादुका भन्ज्याङसम्म पुग्ने २३ किलोमिटर कच्ची सडकको स्तरान्नति हुँदै

धरान / धरान उपमहानगरपालिका सुगम सहरको रुपमा परिचित छ । सहरका गल्ली गल्ली चौक चौक कालोपत्रे भएका छन् जसका कारण धरानलाई कालोपत्रे सहर पनि भनिन्छ । यसो भनिरहदा धरानको कुनै कुनै वडा विकट र कहालीलाग्दो पनि छ भन्दा पत्यार नलाग्न सक्ला । यस्तै छ साविकको विष्णुपादुका गाविस र हाल धरान उपमहानगरपालिकामा गाभिएर बनेको धरान २० घु्म्न आउने पर्यटकलाई भने धरानमा गाभिएर पनि धरानभन्दा भिन्दै स्थान हो भन्न भान हुने गरको छ ।

साविकको विष्णृपादुका गाविस र हाल धरान उपमहानगरपालिकामा गार्भिपछि बनेको २० नं. वटा भौगोलिक रुपमा विकट छ । सफा, सुन्दर र सुविधा सम्पन्न सहको रुपमा परिचित धरानको २० नं. वडा घुम्न आउने पर्यटकले धरानभन्दा छुटु्टै र विकट वडाको रुपमा अनुभूति गर्ने गर्छन् । त्यसमा पनि बीचमा सर्दु खोलाका कारण बर्षादका समयमा धरानसंग नै सम्बन्ध विच्छेद हुने गरेको छ ।

क्षेत्रफलको हिसाबले धरानका २० वटै वडा भन्दा ठूलो वडाको रुपमा रहको धरान २० विष्णुपादुकालाई पछिल्लो समय धरान उपमहानगरपालिकाले पनि विकासका लागि विशेष योजनाहरु अगाडि सारेको छ । सधै धुलाम्बे र हिलाम्बे अनि सर्दु खोलामा आएको बाढीका कारण बर्षादको समयमा धरानसंग बर्षेनी सम्बन्ध विच्छेद हुन बाध्यता नआआस् भनेर धरानदेखि विष्णुपादुका भन्ज्याङसम्म पुग्ने २३ किलोमिटर कच्ची सडकको स्तरान्नति गर्ने काम धमाधम भइरहेको छ भने भविष्यमा यहासम्म कालोपत्रे बनाउने योजना नै उपमहानगरपालिकाले लिएका छ । यस्तै सर्दु खोलाको दीर्घकालीन समस्या समाधानका लागि पक्ली पुल निर्माण समेत गरिदैछ निर्माण समितिले जुन ०७६ चैत्र सम्म सक्ने लक्ष्य लिएको छ ।

ठूलो वडा र त्यसमा पनि विकट वडा भएका कारण धरानको मंगलबारेदेखि विष्णुपादुकासम्मको २३ किमी सडकलाई स्तरोन्नति गर्ने काम धमाधम भइरहेको र भविष्यमा यस सडकलाई कालोपत्रे बनाउने योजना अगाडि सारिएको धरान उपमहानगरपालिकाका योजना प्रमुख इन्जिनियर सुरज श्रेष्ठले बताउनुभयो । जसका लागि ३७ लाख बजेट छुट्याइएको छ । २५ प्रतिशत जनश्रमदान र बाँकी ७५ प्रतिशत सडक पोल नेपाल नामक संस्था र धरान उपमहानगरपालिकाको साझेदारीमा सडक स्तरोन्नति ुशुरु गरिएको उहाले बताउनुभयो ।

सडक के कसरी निर्माण हुदैछ भन्ने विषयमा धरान उपमहानगरपालिकाको प्राविधिक टोलीले बेलाबेलामा अनुगमन समेत गर्ने गरेको छ । निर्माण शुरु भएदेखि हालसम्म पाच पटक अनुगमन गरेको टोलीले समेत काम सन्ताषजनक रुपमा अगाडि बढेको पाएको छ । अनुगमनमा जानु भएका धरान उपमहानगरपालिका वडा नंं १३ का वडा अध्यक्ष नेत्र काफ्लेले काम सन्ताृेषजनक रुपमा भइरहेको बताउनुभयो ।

अनुगमनका क्रममा केही भौतिक संरचनाहरु भने बजेट अभावकै कारण बीचैमा छोडर अलपत्र भएको समेत पाएको थियो । सुरक्षाको चुनौति रहेको विष्णु पादुका जहा सागुरी गढी नगरपालिकासंग सीमा जोडिएको छ । धेरै लागू औषध गाजा यही बाटो भएर धरान भित्रिने गरेको पाइएको छ । यस्तो ठाउमा निर्माण हुन लागेको प्रहरी चौकी भने बिजेट अभावमा अलपत्र परेको निर्माण समितिले बताएको छ । तीनकोटे एकतला भवनको निर्माण सम्पन्न गर्न करिब ३० लाखको लागत लाग्न भएपनि बजेट अभावका कारण ७० प्रतिशत मात्र काम सकिएको निर्माण समितिका अध्यक्ष रामकुमार तामाङले बताउनुभयो ।

विकट वडाको रुपमा रहे पनि सहज रुपमा यातायात सञ्चालन हुन सक्यो भने यो स्थान धार्मिक पर्यटकीय स्थल हुने सम्भावना पनि उत्तिकै छ । यस स्थानमा पौराणिक महत्व बाकेको विष्णुपादुका मन्दिर, माछा मारा डाडामा वुटिश भूतपूर्व सैनिकहरुले निर्माण गर्दै गरेको वृटिश गोर्खा स्मृति पार्क, झण्डी डाडा लगायतका अत्यन्तै मनोरम दृश्यवोलकन गर्न स्थान रहेका छन् । धरान उपमहानगरपालिकाले यस क्षेत्रको विकासलाई जोड दिने हो भने भविष्यमा यो नगरको सबैभन्दा आकर्षक र पर्यटकीय गन्तव्य स्तल बन्नेमा दुई मत छैन ।

Subscribe Purbeli TV

समसामयिक बिषयमा कलम चलाउनुहुने बस्नेत पूर्वेली न्युजका धरान सहकर्मी हुनुहुन्छ ।

गोविन्द बस्नेतबाट थप

धरान उपमहानगरपालिकाले मजदुरहरुको सूचिकृत गर्ने

धरानकाे तिनवटै दमकल काम नलाग्ने अवस्थामा

बराहक्षेत्र चतरामा दोस्रो पिण्डेश्वर अर्ध महाकुम्भ मेला शुरु, मुख्यमन्त्री शेरधन राईले गरे उद्घाटन

सुनसरीको बराहक्षेत्रमा दोस्रो अर्धमहाकुम्भ मेलाको सम्पूर्ण तयारी पूरा (४२ तस्विरहरू)

धरानदेखि विष्णुपादुका भन्ज्याङसम्म पुग्ने २३ किलोमिटर कच्ची सडकको स्तरान्नति हुँदै

सुख्खा मौसम आएसंगै धरानमा पानीको चरम अभाव

पौष १६ देखी धरानमा इन्द्र वराह मेमोरियल एमच्योर ओपन गल्फ प्रतियोगिताकाे पाचौ संस्करण

वीपी प्रतिष्ठानमा स्वास्थ्यमन्त्री यादव, राजनीतिक आवरण नभिरेको ब्यक्ती भिसि नियुक्ती गर्न प्रतिष्ठानका पदाधिकारीहरूकाे माग

धरान स्थित हार्डवेयर पसलमा आगलागी

धरानमा आगलागी

तपाईको प्रतिक्रिया

Loading…