नीजि शैक्षिक संस्थाको योगदानलाई सरकारले मुल्याङ्कन गर्नुपर्छ : सम्बाहाम्फे

ताप्लेजुङ / नीजि तथा आवासिय विद्यालय अर्गनाईजेशन (प्याब्सन) का केन्द्रीय अध्यक्ष बिजय सम्बाहाम्फेले मुलुकको शैक्षिक क्षेत्रमा नीजि शिक्षण संस्थाले गरेको योगदानलाई सरकारले उच्च मुल्याङ्कन गर्नुपर्ने बताउनुभएको छ । शनिबार प्याब्सन ताप्लेजुङको ७ औँ जिल्ला अधिवेशनको उद्घाटनका क्रममा बोल्दै उहाँले नीजि शैक्षिक संस्थाहरुले विद्यालय तह र उच्च शिक्षामा गरेको योगदानलाई बेवास्ता गर्न नहुँने बताउनुभयो । नीजि विद्यालयहरु व्यवसायिक र नाफामुलक भए पनि मुलुकुको शैक्षिक गुणस्तर उकास्नका लागि सामुदायिक विद्यालयको तुलनामा अघि रहेको दाबी गर्दै नीजि विद्यालयलाई हेर्ने सरकारको दृष्टिकोण सकारात्मक हुनुपर्ने उहाँको भनाई छ ।

शैक्षिक क्षेत्रको सुधारका लागि नीजि शैक्षिक संस्थाहरु संग समन्वय बढाउनुको सट्टा सरकारले दोष मात्रै थुपार्ने काम गरेको उहाँको टिप्पणी छ । स्थानीय र प्रदेश सरकारले समेत नीजि शैक्षिक संस्थालाई ध्यान नदिएको उहाँको भनाई छ । शैक्षिक क्षेत्रलाई उकास्नका लागि सरकार एक्लैको प्रयासले मात्रै नपुग्ने भन्दै नीजि शैक्षिक संस्थाहरु संग समन्वय गरेर अघि बढ्नुपर्नेमा उहाँको जोड । यस्तै शैक्षिक नीति निर्माण तहमा सक्षम व्यक्ति नहुँनुले पनि समस्या आएको उहाँको भनाई थियो । अहिलेको शिक्षा आयोगमा कतिपय असक्षमलाई लगेर विज्ञको रुपमा राखिएको उदारण दिर्दै उहाँले यसको परिणाम उपलब्धिमुलक नहुँने बताउनुभयो ।

यता सोहि कार्यक्रममा बोल्दै प्याब्सनका केन्द्रीय बरिष्ठ उपाध्यक्ष डिके ढुंगानाले सामुदायिक र नीजि दुबै तर्फका शैक्षिक संस्था प्रति राज्य सकारात्मक हुन नसकेको आरोप लगाउनुभएको छ । नीजि विद्यालयहरुलाई हेर्दै नहेर्ने र सामुदायिक विद्यालयको हकमा छुट्याएको बजेट प्रभावकारी रुपमा कार्यान्वयन गर्न नसक्नु सरकारको कमजोरी रहेको उहाँको भनाई छ । यस्तै योगदानमा आधारित सामाजिक कोष नीजि क्षेत्रका शैक्षिक संस्थाको हकमा मान्य नरहेको पनि उहाँको भनाई छ । राज्य आफैले लगानी नगरेर नीजि क्षेत्रलाई मात्रै च्याप्न खोजेको उहाँको आरोप थियो । कार्यक्रममा केन्द्रीय सदस्य हेमन्त कार्की, आरबि कटुवाल लगायतले बोलेका थिए । यसैबीच नयाँ नेतृत्व चयन गर्दै प्याब्सन ताप्लेजुङको अधिवेशन आजै सकिने बताईएको छ । दिउँसो भएको उद्घाटन सत्र पछि साँझबाट बन्दसत्र सुरु भएको छ । नेतृत्वका लागि वर्तमान उपाध्यक्ष दिनेश भटराई र सचिव गणेश सिग्देल आकांक्षी देखिएकाछन् ।

Purbeli TV

समसामयिक बिषयमा कलम चलाउनुहुने पुर्कुटी पूर्वेली न्युजका ताप्लेजुङ सहकर्मी हुनुहुन्छ ।

सन्तोष पुर्कुटीबाट थप

पाथीभरा पुरुष भलिबल प्रतियोगिताको उपाधीका लागि आज पुलिस र आर्मी भिड्ने

ताप्लेजुङमा कार दुर्घटना, दुई घाईते (तस्विरहरू सहित)

ताप्लेजुङमा १६ वर्षिय बालिकालाई पटक पटक बलात्कार गर्ने तीन पुरुष पक्राउ

ताप्लेजुङ फक्ताङलुङबाट ९ थान भरुवा बन्दुक नियन्त्रणमा

पाथीभरामा चल्ने सवारी साधनमा भजन बाहेकका गीत बजाउन नपाईने

कर्तव्य ज्यान मुद्धामा ६ वर्षदेखि फरार अभियुक्त पक्राउ

विपद् जोखिम न्युनिकरण तथा व्यवस्थापन सम्वन्धि ताप्लेजुङमा नमुना अभ्यास प्रर्दशनी

हिमपातका कारण ताप्लेजुङका उच्च क्षेत्रका बासिन्दा चिसोको मारमा, वर्षाले किसानलाई फाईदा

नेपाल विद्यार्थी संघद्धारा ताप्लेजुङमा ओलीको पुत्ला दहन सहित विरोध प्रर्दशन

अञ्जली लिम्बू बनिन् मेरिङदेन डान्स स्टार

तपाईको प्रतिक्रिया

Loading…