मेयर सुब्बाको अन्त्येष्टि (थप तस्विरहरू)

धरान / धरान उपमहानगरपालिकाका प्रमुख तारा सु्ब्बाको आज अन्त्येष्टी गरिएको छ ।उहाको धरान १९ हरियालीमा लिम्बु संस्कार अनुसार दाह संस्कार गरिएको हो ।साउन १ गते मंगलबार निधन हुनु भएका सुब्बाको शव परिवारका सदस्य हङकङ तथा युकेबाट नआइसकेका कारण धरानस्थित बीपी कोइराला स्वास्थ्य विज्ञान प्रतिष्ठानको शव गृह (मर्चरी) मा राखिएको थियो । परिवारका सबै सदस्य अन्त्येष्टीका लागि आइसकेपछि आज विहान मर्चरीबाट उहाको शव आफ्नै निवास धरान १७ मा लगिएको थियो ।

विहान आफ्ना आफन्तले घरमै श्रद्धाञ्जली अर्पण गरिसकेपछि उहाको शवलाई धरान उपमहानगरपालिकाको प्रांगरणमा राखिएको थियो । नगरपालिकाका कर्मचारी, उपमेयर मञ्जु भण्डारी सुवेदी लगायत जननिर्वाचित २० वटै वडाका वडाध्यक्षहरुले उहाप्रति अन्तिम श्रद्धाञ्जली अर्पण गरिएको थियो । उहालाई नगरपालिकामा सरकारी सम्मानसहित नगरपालिकाको झण्डा ओढाएर सम्मान गरिएको थियो ।

त्यसपछि धरानका सर्वसाधारणका लागि श्रद्धाञ्जली अर्पण गर्न उहाको शव धरान १२ चतरालाइनमा रहेको पब्लिक माविको प्रांगरणमा राखिएको थियो । पब्लिक माविको प्रांगरणमा नेपाल सरकारका उपप्रधान तथा रक्षा मन्त्री ईश्वर पोख्रेल, १ नं. प्रदेशका मुख्यमन्त्री शेर धन राई, वन वातावरण तथा कृषि मन्त्री जगदीश कुसियत, आर्थिक मामला मन्त्री इन्द्र आङवो, कानुन मन्त्री हिक्मत कार्कीलगायत पार्टीका केन्द्रीय सदस्य भानुभक्त ढकाल, नेपाल नगपालिका संघ १ नं. प्रदेश संयोजक महेश बस्नेत, १ नं. प्रदेशका सम्पूर्ण प्रहरी प्रमुख, निर्वाचित स्थानीय तहका जनप्रतिनिधिहरुले उहालाई अन्तिम श्रद्धाञ्जली अर्पण गरेका थिए ।

सुब्बाको अन्तिम श्रद्धाञ्जली अर्पणकै लागि धरान आउनु भएका नेपाल सरकारका उपप्रधान तथा रक्षामन्त्री ईश्वर पोख्रेलले धरान उपमहानगरपालिकाका मेयर तारा सु्ब्बा अन्त्यन्तै जुझारु, विकासप्रेमी, धरानेहरुकामात्र सबैका प्रिय पात्र रहेको बताउनुभयो । सु्ब्बा जस्तो व्यक्तित्वलाई गुमाउनु पर्दा नगरले ठूलो क्षिित व्यहोर्नुपरेको बताउदै अब सुब्बाले थालेका र सु्ब्बाले ल्याएका योजनालाई सम्पूर्ण धराने जनता, जननिवाचित पदाधिकारीहरुले पूरा गर्नुपर्ने बताउनुभयो ।

पब्लिक माविको मैदानमा राखिएको श्रद्धाञ्जली सभाामा हजारौ सर्वसाधारणको उल्लेख्य उपस्थिति रहेको थियो । श्रद्धाञ्जलीसभा पश्चात उहाको शवलाई धरान बजार परिक्रममा गरिएको थियो । शव परिक्रमका समयमा सर्वसाधारणका अत्याधिक भीडले सुरक्षाकर्मीलार्ई भीड व्यवस्थापन गर्न नै हम्मे हम्मे परेको थियो ।

दुई साता भन्दा लामो समयदेखि छातीको संक्रमणबाट पीडित सुब्बालाई उपचारका लागि काठमाण्डौको ग्राण्डी अस्पतालमा लगिएको थियो । उपचारकै क्रममा साउन १ गते मंगलबार ५२ बर्षको उमेरमा उहाको निधन भएको थियो ।सुब्बाको निधनको शोकमा आज एक धरान बजार बन्द समेत गरिएको छ भने आज र भोलि धरानमा सार्वजनिक विदा समेत दिइएको छ ।

Purbeli TV

समसामयिक बिषयमा कलम चलाउनुहुने बस्नेत पूर्वेली न्युजका धरान सहकर्मी हुनुहुन्छ ।

गोविन्द बस्नेतबाट थप

कर वृद्धि खारेजीको माग गर्दै धरानमा विरोध -याली

विप्लव कार्यकर्ता प्रक्राउ

पिण्डेश्वर बाबा धाममा जल चढाउनेको भीड

हिमाल आरोही महिला पत्रकार रोशालाई सम्मान

पिण्डेश्वर मन्दिरमा जाेडियाे सिसी क्यामरा

स्थानिय तहमा अझै बेरुजु घट्नुको साटो बढ्दै

नेपाल तरुण दल सुनसरीका उपसभापति विक प्रहरी नियन्त्रणमा

भ्रष्टाचार भएको भन्दै रोकियो मातृ तथा शिशु स्याहार केन्द्रको भवन

धरानका युवा नेताले विहेमा लगेको क्यामेरा गायब पारेपछि…..!

धरानमा अनाधिकृत रुपमा बसेका बस्ती हटाउन शुरू

तपाईको प्रतिक्रिया