चिसाङमा पुल नबन्दा सास्ती, झोलुङगे पुलबाट जोखिमपुर्ण यात्रा गर्नुपर्ने बाध्यता (तस्विर तथा भिडियाे सहित)

लेटाङ । उत्तरी मोरङको लेटाङमा रहेको चिसाङ खोलामा पुल नबन्दा आसपासका स्थानीयले जोखिमपुर्ण यात्रा गर्नुपर्ने बाध्यता रहेको छ । बर्षौदेखि खोलामा पुल नहुँदा उनीहरु झोलुङगे पुलको साहारामा यात्रा गर्न बाध्य बनेका छन ।

हिउँदको समयमा खोलामा पानी कम हुने भएकोले खोलाबाटै आवातजावत गर्ने भएपनि बर्षायाममा खोलामा बाढी आएपछि उनीहरु करिब १ किलोमिटर माथि रहेको झोलुङगे पुलको साहारा लिन बाध्य बन्ने गरेका छन । पुलबाटै पशु चौपाया, मोटरसाईकल, साईकल लगायत मानिसहरु आवातजावत गर्नुपर्ने कारण पुल समेत जिर्ण बन्दै गएको छ । सो पुलबाट मानिस सँगै सवारी साधन समेत हिँडनुपर्ने भएका कारण जोखिम समेत उत्तिकै बढेको स्थानीय बताउँछन ।

खोलामा सञ्चालित क्रसरका कारण सो पुल समेत भासिँदै गएका कारण झन खतरा बढेको स्थानीय बताउँछन । बर्षायाममा सो खोलामा आएको बाढीका कारण खोलाबाट आवातजावत गर्न सम्भव नै छैन,पुलबाट आवातजावत गर्दा समेत खतरा उत्तिकै छ, स्थानीय मनिषा भण्डारी गुनासो गर्छिन । दैनिक रुपमा लेटाङ आवातजावत गर्न ५ मिनेटमा पुगिने ठाँउमा घण्टौ हिँडनुपर्ने त्यसमा पनि सुरक्षित महशुस नहुने उनी बताउँछिन ।

पुल समेत भाँसदै गएका कारण सो पुलमा पनि कतिबेला दुर्घटना हुन्छ भन्ने पिरले सताउने स्थानीय युवा जित राई बताउँछन । पुलबाटै मानिस र सवारी साधन यात्रा गर्नुपर्दा समेत दुर्घटनाको भय उत्तिकै हुने उनी सुनाउँछन । चिसाङ खोलामा पक्की पुल निर्माण शुरु भएको बर्षौ भएपनि सो पुल सम्पन्न हुने अत्तोपत्तौ छैन । पुल नबन्दा लेटाङ,बेलबारी,बुधबारे,किर्तिमान,फडानी,तुर्के,केराबारी लगायत बिभिन्न ठाँउका हजारौँ स्थानीयले सास्ती बेहोर्नुपरेको छ ।

खोलामा पक्की पुल नबनेपछि झोलुङगे पुलबाट आवातजावत गर्नेको ठुलै भिड हुने गरेको छ । पुलमा सेल्फी खिच्नेदेखि त्यहीबाट पशुचौपाया र सवारी साधन आवातजावत गर्दा समस्या हुने गरेको स्थानीय कमल पौडेलले बताउँछन । स्थानीय निकायले चाँडोभन्दा चाँडो पक्की पुल निर्माण गरी समस्याको समाधान गर्नुपर्ने उनको सुझाब समेत रहेको छ । मानिसका लागी आवातजावतको सहजताका लागी निर्माण गरिएको पुलमा पशुचौपाया र सवारीसाधन समेत हिँडन थालेपछि पुल समेत भासिन् थालेको छ ।

Purbeli TV

डेढ दशक बढी समयदेखि पत्रकारितामा क्रियाशिल बस्नेत पूर्वेली न्युजका सम्पादक हुनुहुन्छ ।

नरेन्द्र बस्नेतबाट थप

सुकुना क्याम्पसमा काँग्रेस र नेकपाको शत्ति प्रर्दशन, बिद्यार्थीको भविश्य कता ?

प्रदेश १ को नाम कोशी र राजधानी बिराटनगर

हिँउदे अधिबेशनले तोक्ला त प्रदेश १ को नाम र राजधानी ?

आर्थिक अभावका कारण दिदिभाई बने दृष्टिबिहिन

आदिबासी जनजातिमा सुचिकृत गर्न कुलुङ जातिको माग

यसकारण पुर्वाञ्चल बिश्वबिद्यालय गोठगाँउमा उपर्युक्त

भेडेटारदेखि हेलिकप्टरमा हिमाल, पहाड तराईको आकाश हुँदै प्रसिद्ध पाथिभराको दर्शन

अर्ना विनाको सुनसान र खल्लो कोशी टप्पु

अन्यौलमा प्रदेश १ को नाम र राजधानी

साधारणसभा नै नगर्ने यी हुन बेलबारीका संघसंस्था !

तपाईको प्रतिक्रिया