धरानका अधिकांश व्यापारीले उपभाेक्ताकाे स्वास्थ्यमा खेलबार्ड गरेकाे खुलासा, भाटभाटेनीमा भेटियाे कुहिएको सागसब्जी र फलफूल

धरान / अधिकांंश व्यापारी व्यवसायीले उपभोक्तालाई ठग्ने गरेको अनुगमनका क्रममा पाइएको छ । नेपाल सरकार उद्योग वाणिज्य तथा आपुूर्ति मन्त्रालय अन्तर्गतको आपूर्ति व्यवस्थापन तथा उपभोक्ता सरक्षण विभाग, उपभोक्तावादी संस्था राष्ट्रिय उपभोक्ता मञ्च र इलाका प्रशासन कार्यालयको टोलीेले गरेको अनुगमनका क्रममा धरानका अधिकांश फर्महरु दर्ता विना सञ्चालनमा रहेका, पसलमा मूल्य सूचि नभएका, म्याद गुज्रिएका सामाग्री भेटिएको थियो ।

अनुगमन टोलीले धरान १३ कृषि उपज बजारभित्र गरेको अनुगमनका क्रममा धेरै जसो पसलको नाम उल्लेख नगरिएको, व्यवसायिक प्रमाणपत्र नलिएको र मूल्य सूचि नराखिएको पाइएको थियो । यस्तै अनुगमन समितिले धरान १ मा रहेको भवानी श्री टे«डर्समा अनुगमन गर्दा वास्तविक तौल भन्दा कमका खाद्यान्न विक्री गर्ने गरेको पाइएको थियो । अनुगमन कर्ताले पसलमा रहेका साामग्रीको तौल लिदा ट्रेडर्सका सञ्चालक राजकुमार अग्रहरीले ३० केजीको सारथी चामलको तौलमा नेट तौल नभई ४ सय २० ग्राम घटी रहेका पाइएकोे थियो भने २० केजी प्याक रहेको सूर्य चामलमा १ सय ८० ग्राम तौल घढी र १० केजीको प्याक गरिएको डाफे भुजियामा ४० ग्राम कम भएको पाइएको थियो । यस्तै धरान १ मै रहेको मोहन किराना पसलमा २०१६ मा बनेको पापडको ६ महिनाको म्याद भएपनि अहिलेसम्म विक्री वितरण गर्ने गरेको पाइएको थियो । गोवरचन्द सन्तोष चन्द भारतले उत्पादन गरेको १ सय २५ ग्रामका १२ प्याकेट र ६ सय ग्रामको १५ प्याकेट त्यस्ता पापडहरु भेटाइएका थिए । यस्तै धरान १ मै रहेको गोपाल किराना पसलमा दुई केजी प्याकको हुलास आटा र पसलमा बेच्न राखिएको बनस्पिति घिउको म्याद गुज्रिएको पाइएको थियो ।

साना तथ खुद्रे मात्र हैन नेपालमै नाम चलेको व्यापारिक प्रतिष्ठानमा समेत उपभोक्ताको स्वास्थ्यमा खेलबार्ड गरी सामाग्री विक्री गरेको पाइएको छ । प्रतिष्ठित व्यापारिक केन्द्र धरानको भाटभाटेनीमा अधिकांश फूलफूल, तरकारी तथा अन्य सामाग्रीमा उपभोग गर्ने म्याद भएपनि कुहिएको पाइएको थियो । अनुगमनका क्रममा भाटभाटेनीमा म्याद रहेका सागसब्जी, फलफूलमा जुनार, स्याउ कुहिएको भेटिएको थियो भने ४४ वटा नरिबल फोर्दा सबै कुहिएको पाइएको थियो । यता भर्खरै खोलेको गोरखामा र धरानको बीचमा रहेको बराहमा केही नभेटिएपनि धरान ८ मा रहेको सेल्स बेरीमा केह सामाग्रीमा लेबल नभएको र सामानको मूल्य बढी लिने गरेको पाइएको थियो ।

अनुगमनमा खटिएका विभागका शाखा प्रमुख रमेश काजी श्रेष्ठले कारबाही भन्दा पनि पहिलो पटक सचेत बन्न चेतावनी दिएको बताउनुभयो । उहाले १७ वटा फर्ममा गरेको अनुगमनका क्रममा म्याद गुज्रिएका त्यस्ता समानलाई नष्टगरिएको बताउनुभयो । विभागका तर्फबाट अम्बिका अधिकारी, राष्ट्रिय उपभोक्ता मञ्चका केन्द्रयि सदस्य तीर्थ महर्जन, इलाका प्रशासनका तर्फबाट अरुणकुमार राई, रञ्जु दाहाल, राष्ट्रिय उपभोक्ता मञ्च सुनसरीका अध्यक्ष नारायणराज राईलगायतकोे सहभागितामा अनुगमन गरिएको थियो ।

Purbeli TV

समसामयिक बिषयमा कलम चलाउनुहुने बस्नेत पूर्वेली न्युजका धरान सहकर्मी हुनुहुन्छ ।

गोविन्द बस्नेतबाट थप

पूर्वका प्रमुख धार्मिक गन्तव्य स्थलको प्रचारका लागि बोलमेलामा सूचना केन्द्र राखिने

धरान १४ बाल मैत्री वडा घोषणा

धरानका दुई वडा बालमैत्री घोषणा भएपनि सडक बालबालिकाको अवस्था उस्तै

वीपी प्रतिष्ठान भ्रष्टाचार प्रकरण : मन्त्रिपरिषदले गठन गर्याे छानविन समिति

धरानका अधिकांश व्यापारीले उपभाेक्ताकाे स्वास्थ्यमा खेलबार्ड गरेकाे खुलासा, भाटभाटेनीमा भेटियाे कुहिएको सागसब्जी र फलफूल

प्रदेश सरकार किसानको हितमा काम गर्न प्रतिबद्ध : मुख्यमन्त्री राई

धरान १४ आजबाट पूर्ण खोप सुनिश्चितता घोषणा

धरान प्रहरीद्वारा हराएको मोवाइल बरामद गरी मोवाइल धनीलाई फिर्ता

खाजा भत्ता कटाएर धरानका प्रहरीद्वारा मृगौला पीडितलाई सहयोग

धरानमा आतंक मच्चाएको आरोपमा वडा अध्यक्षका छोरा प्रक्राउ

तपाईको प्रतिक्रिया