बुधबारदेखि अर्ना गणना हुँदै : आरक्षमा अर्ना संख्या बढ्ने अनुमान

इनरुवा । कोशी टप्पु वन्यजन्तु आरक्षले बुधबारदेखि आरक्षमा अर्ना गणना गर्ने तयारी गरेको छ । प्रत्येक दुई वर्षमा आरक्षले गरिदै आएको अर्ना गणना यो वर्ष तीनदिन चैत २८ देखि ३० गतेसम्म गर्ने गणनाको सबै तयारी पुरा भएको आरक्षले जनाएको छ ।

कोशी टप्पु वन्यजन्तु आरक्षका प्रमुख संरक्षण अधिकृत श्यामकुमार साहका अनुसार दूरी र पहुँचका आधारमा कोशी पूर्व र पश्चिम तीन तीन ब्लक गरी जम्मा ६ वटा ब्लकमा बुधबार बिहानै देखि एकसाथ अर्ना गणना सुरु हुनेछ ।

जसअनुसार सुनसरीको हरिपुर,पश्चिम् कुसाहा र प्रकाशपुर क्षेत्रमा र सप्तरीको भागलपुर,पथरी र बदगमहा क्षेत्रमा प्रत्येक ब्लकमा प्राविधिक सहित आरक्ष कर्मचारी,सुरक्षाकर्मी गरी प्रत्येक ब्लगमा १० जनाका दरले अर्ना गणना गरिनेछन् । अर्ना गणनाका लागि ब्याइनाकुलर,क्यामेरा, जिपिएस,अर्ना गणना फारम,फिल्ड ड्यारीको प्रयोग गरेर गणना गरिने आरक्षका प्रमुख साहले बताए ।

प्रमुख साहका अनुसार २०३२ साल देखि २०७४ सालको वार्षिक गणना अनुसार प्रत्येक वर्ष आरक्ष क्षेत्रमा ७ दशमलव २७ प्रतिशतले अर्नाको संख्यामा वृद्धि भएको तथ्यांक रहेको छ । खाने,मास्ने,चोरीसिकारी नभएकोले यो वर्षपनि कोशी टप्पु वन्यजन्तु आरक्षमा अर्नाको संख्या वृद्धि हुने साहको भनाइ रहेको छ ।

२०७२ सालको पछिल्लो गणना अनुसार आरक्षमा अर्नाको संख्या ४ सय ३२ रहेको थियो । जस मध्ये केहि महिनाअघि १३ वटा अर्ना आरक्षबाट चितवन स्थानतरण गरिएको थियो । अहिले आरक्षमा ४ सय १९ वटा अर्ना रहेका छन् ।

समसामयिक बिषयमा कलम चलाउनुहुने अालम पूर्वेली न्युजका इनरूवा सहकर्मी हुनुहुन्छ ।

मिकाइल अालमबाट थप

कोशी कटान क्षेत्रमा जनप्रतिनिधिद्वारा सरसफाइ

प्रथम मेयर कप क्रिकेटको उपाधी नेपाल प्रहरीलाई

लौकही बाट तस्करीको अवैध कपडा सहित दुईवटा मोटरसाइकल बरामद

कोशी बाढी पीडितको समस्या समाधान गर्न लागिपरेको मन्त्री कुशियतको भनाइ

लौकहीमा स्लो साईकल रेस प्रतियोगिता सम्पन्न

सुनसरीको राजमार्गमा गैरकानुनी ढाट, अवैध असुलीमा प्रशासन किन मौन ?

बालुवामा गाडिएको अवस्थामा नवजात शिशु मृत अवस्थामा फेला

इनरुवामा बलात्कार विरुद्ध अधिकारकर्मीहरूको धर्ना

बाल बिबाह र दाईजो प्रथा विरुद्धको अभियानमा बबियाका किशोरी

सीमा क्षेत्रमा अपराधिक गतिविधि रोक्न सहकार्य

तपाईको प्रतिक्रिया