श्रमिक महिला दिबस : कतै अबिरजात्रा कतै पसिना तुरुरु….

मोरङ । बिहिबार देशभर १०८ औँ महिला दिबस मनाईयो,बेलबारीमा मात्र २ वटा कार्यक्रम महिला दिबसकै अबसरमा आयोजना भए । एक कार्यक्रममा प्रदेश १ का मुख्यमन्त्री ले महिला दिबसको शुभकामना दिँदै बिभिन्न निर्बाचनमा निर्बाचित महिलाहरुलाई अबिरजात्रा गरिरहेका थिए भने अर्को कार्यक्रममा मञ्चमा महिला सम्बन्धी बिभिन्न रचना बाचन भईरहेको थियो । त्यही समय एकाथरी महिलाहरु फागुनको चर्को घाममा कोही ज्याला मजदुरी गरिरहेका थिए त कोही खोलाको बगरका गिट्टी कुटीरहेका थिए ।

बेलबारी बजार क्षेत्रमा निर्माण भईरहेका भवन र बिभिन्न फर्निचर सहितका उद्योगमा महिला पनि पुरुष बराबर नै काम गरिरहेका छन् । भवन निर्माणमा काम गर्ने बेलबारीकी ४० वर्षीया उषा तामाङ भने दिवसबारे अनविज्ञ छन् । ‘दिनभर बालुवा नचाले र इटा नबोके चुलो बल्दैन,’ उनले भनिन् ‘महिलाले मनाउने पनि दिवस हुन्छ र ? लौ मैले त आजसम्म सुनेको छैन ।’ उनी सँगै बालुवामा पानी हालेर सिमेन्ट घोल्दै गरेकी सुन्दरहरैचाकी कमला दर्जीले पनि महिला दिवसबारे थाहा नभएको बताइन् । उनले भनिन, ‘१३ वर्षदेखि मजदुरी गरेर पेट पाल्दै आएको छु । यस्तो दिवस सुनेको छैन ।’

यी दुई फरक–फरक ठाँउका भए पनि उनीहरूमा समानता छ । उनीहरू दुवैले जना मजदुरी गरेर जीविकोपार्जन गर्दै आएका छन् । उनीहरूका श्रीमान कामका लागि बिदेश गएका छन । मजदुरी गर्दै पेट पाल्ने महिनाहरू महिला दिवस मनाउने फुर्सद नभएको बताउँछन् । कानेपोखरीकी आशा राई दिवस मनाउने हिँड्दा बेलुका चामल किन्ने पैसा नपाइने बताउँछिन् । उनले प्रश्न गरिन , ‘हैन यो दिवस मनाउँदा के पाइन्छ ?’ जीवनभर बालुवानै चालेर गुजारा गरेकी छु,’ उनले भनिन, ‘हामीलाई श्रममा समेत विभेद गरिएको छ । ती दिवस मनाउनेले यहाँ आएर हाम्रो ज्याला पुरुष सरह बनाइदिन्छन?’ महिला दिवसको अवसरमा सरकारी तथा गैरसरकारी संघ संस्थाले मोटो रकम खर्चेर सभाहलमा अन्तरक्रिया, चोकमा ¥याली गरेर भव्य दिवस रुपमा मनाए तर, यस्ता कार्यक्रम गर्नेलाई खोलाको किनारमा बसेर, घरयासी काम गरेर पेट पाल्ने श्रमिक महिलाहरुले गिज्याइरहेको छ ।

पछिल्लो समय ‘यो दिवस व्यापार गर्ने माध्यम बनेको छ । ‘मजदुरी गर्ने महिलाहरू विभेदमा छन, हिंसाको जोखिममा छन्। तर, उनीहरूबारे बोलिदने कोही छैन । जिल्लामा श्रमिक महिलाको संख्या बढ्दै गएको छ । यस्ता दिबस र गोष्ठीमा खर्च गर्ने रकम ती मजदुरहरुको पक्षमा लगानी गर्ने हो भने र उनीहरुको जिवनस्तर उकास्ने हो भनेमात्र यो दिबसको सार्थकता झल्किने छ ।

डेढ दशक बढी समयदेखि पत्रकारितामा क्रियाशिल बस्नेत पूर्वेली न्युजका सम्पादक हुनुहुन्छ ।

नरेन्द्र बस्नेतबाट थप

खलासी दाई ! के सडक तिम्रो बाऊको बिर्ता हो ?

गरिब,जेहेन्दार र दलित बिद्यार्थीलाई समाजसेवी राईको सहयोग

काम गरेर देखाउने ईप्रका बेलबारी प्रमुख राईको दाबी

धनपालगढीमा राति अनौठो चिज बलेपछि हेर्नेको भिड

बेलबारीका पत्रकार गिरीमाथि आक्रमण,२ जना पक्राऊ

बजेट सम्बन्धमा विराटनगरका उद्योगी ब्यबसायीको यस्ताे प्रतिक्रिया

गणतन्त्र दिवसको शुभकामना मात्र दिने की जनतालाई महशुस पनि गराऊने ?

किन ईटहरीमा आएका सबै डिएसपी बिवादमा मुछिन्छन ?

वन कार्यालयको दादागिरी, उपभोत्तालाई झुक्याएर वन फडानी

थामिएनन् स्व.गोमाका बृद्ध बाबुआमाको आँशु

तपाईको प्रतिक्रिया