धरानमा मेयरकप ओलम्पिक शुरु

धरान । धरानमा मेयरकप स्कुल ओलम्पिक कप शुरु भएको छ । धरान रगशालामा धरान उपमहानगरपालिकाका प्रमुख तारा सुब्बाले उद्घाटन गर्नु भएको सो प्रतियोगिताको पहिलो दिन धरानमा रहेका नीजि तथा सामुदायिक विद्यालयका विद्यार्थीहरु मार्च पार्स प्रदर्शन गरिएको थियो भने व्याडबाजाको धुनले धरान रंगशाला खेलमय बनेको थियो ।

माघ २९ देखि फागुन ७ गते सम्म सञ्चालन हुने सो प्रतियागितामा धरानका नीजि तथा सामुदायिक विद्यालयका विद्यार्थीहरुले १० वटा खेलहरुमा प्रतिष्पर्धा गर्नेछन् । सो अवसरमा बोल्दै उपमहानगरपालिकाका प्रमुख तारा सुब्बाले विद्यालय स्तरदेखि नै खेलकुदको विकास गर्ने उद्देश्यले धरान उपमहानगरपालिकाले खेलकुदलाई विशेष प्राथमिकतामा राखेर मेयर कप स्कुल ओलम्पिक खेलको आयोजना गरिएको बताउनुभयो ।

यस्तै उद्घाटनकै अवसरमा विद्यालयका विद्यार्थीका तर्फबाट युरेका आवासीय माविकी भलिभल खेलमा सहभागी खेलाडी समिक्षा राईले सम्पूर्ण खेलाडीहरुको प्रतिनिधित्व गर्दै खेल अवधिभर खेलाडी अनुशासित भएर खेल खेल्ने प्रतिबद्धता व्यक्त गरिन् ।

प्रतियोगितामा फुटबल, व्याडमिन्टन, क्रिकेट,, भलिवल, बास्केटबल, टेबुलनेनिस, बुद्धिचाल, कराते, ताइक्वान्डो, क्रिकेट, एथ्लेटिक्स खेलमा प्रतिष्पर्धा गर्दैछन् । प्रतियोगितामा ५४ विद्यालयका १ सय ८ जना विद्यार्थीहरुले प्रतियोगितामा प्रतिष्पर्धा गर्र्दैछन् ।धरान रंगशालामा उद्घाटन गरिएको सो प्रतियोगितको समापन भने धरान १७ एन्फा एकाडेमीको खेल मैदानमा हुनेछ । प्रतियोगितामा पहिलो हुने विद्यालयले

े नगद १ लाख रुपैयासहित प्रमाण पत्र पाउने छ भने दोस्रो र तेस्रो हुने विद्यालयले ५० र २५ नगद पाउनेछन् । यस प्रतियोगितामा खेलाडीहरुले ५९–५९ वटा स्वर्ण र रजत पदक प्राप्त गर्ने छन् भने ८२ वटा कास्य पदक प्राप्त गर्ने छन् । विद्यालय स्तरबाट खेलकुदको विकास गर्ने उद्देश्यले धरान उपमहानगरपालिकाले केही समय अगाडि सुवास राईको अध्यक्षतामा खेलकुद विकास समिति गठन गरिएको थियो। समितिमा नीजि तथा सामुदायिक विद्यालयका शिक्षक, अभिभावक समेत सदस्य रहेका छन् । विद्यालय स्तरका खेलकुद निरन्तर रुपमा गर्नकै लागि समिति गठन गरिएको बताइएको छ ।

समसामयिक बिषयमा कलम चलाउनुहुने बस्नेत पूर्वेली न्युजका धरान सहकर्मी हुनुहुन्छ ।

गोविन्द बस्नेतबाट थप

धरानका फुटपाथमा जथाभावी राखिएका होर्डिड बोर्डहरु हटाउन शुरु

आफ्ना कार्यकर्तालार्इ सार्वजनिक मुद्दा लगाएकोमा नेशनल मंगोलियन अर्गनाइजेसनकाे आपत्ति

धरानमा लागू औषधसहित चार जना पक्राउ

धरान पुगेका प्रदेश १का मुख्यमन्त्री शेरधन राईले नामाकरण र स्थायी राजधानी गरे यस्ताे खुलासा

कृषिजन्य सामाग्रीहरू सहजरूपमा भारत निर्यात हुन नसक्दा कृषक तथा व्यापारी मारमा

पाक शाला निर्माणार्थ श्रीमद भागवत् सप्ताह

ओझेलमा रहेका स्थलहरुलार्इ चित्रमा कैदगर्दै प्रचारप्रसार

कोशी टप्पुमा जग्गा उपलब्ध गराउने भन्दै सर्वसाधारणलाई ठगी गर्ने मंगोलयन अर्गनाइजेशनका कार्यकर्ता पक्राउ

चारकोशे झाडीमा बेड राखेरै लागू औषध कारोबार गर्ने गिरोह प्रक्राउ

धरानमा प्रदेश नं १ स्तरीय ‘प्रथम मेयर क्रस कन्ट्री च्याम्पियनसीप हुने

तपाईको प्रतिक्रिया