नाम जस्तै कञ्चन समाजसेवा र राजनीति

 

बेलबारी । पछिल्लो समय राजनीति लाई फोहरी खेलका रुपमा बुझनेहरुको संख्या पनि ठुलै छ । राजनीतिको दुरुपयोग गर्नेहरु हाम्रो समाजमा बग्रेल्ती भेटिन्छन । बाहिरी आवरण एउटा र भित्री रुप अर्कै हुनेहरुका कारण समाजमा स्वच्छ रुपमा राजनीति र समाजसेवा गर्नेहरु समेत ओझेलमा पर्दै गएका छन । राजनीति र समाजसेवालाई कमाई खाने भाँडो बनाउनेहरुका कारण स्वच्छ रुपमा राजनीति र समाजसेवा गर्नेहरु समेत बदनाम हुने गरेका छन । लामो समयदेखि स्वच्छ राजनीति र समाजसेवामै जीवन ब्यतित गरिरहेको एउटा नाम हो कञ्चन कुलुङ राई,उनको नाम जति स्वच्छ छ काम र उनको ब्यबहार पनि त्यति नै स्वच्छ छ । लामो समयदेखि समाजसेवा र राजनीतिमा सक्रिय कुलुङ त्यस्ता फोहरी राजनीति र समाजसेवाबाट वाक्क छिन,उनलाई लाग्छ की समाजसेवा र राजनीति लाई स्वार्थीहरुले गलत उपयोग गरिरहेका छन ।

देशमा बिकसित राजनीतिक घटनाक्रमले उनलाई चसक्क घोचेको छ । हुन त उनी आफै पनि राजनीतिमा सक्रिय रहेकी छिन् तरपनि राजनेता भनाउँदाहरुको ब्यबहारले उनको मन दुखेको छ । जनताको सेवक बन्नुपर्ने नेताहरु ब्यत्तिगत स्वार्थका रुमल्लिएका कारण देशको यो अबस्था आएको उनको बुझाई रहेको छ । उनी यो राजनीतिक माहोल सङिल्नेमा बिश्वस्त छिन् तरपनि देश संक्रमणकालीन अबस्थामा फसेको र ब्यत्तिगत स्वार्थको राजनीति नेताहरुले नत्यागेको देख्दा आफुलाई दुःख लाग्ने गरेको उनी बताउँछिन ।

को हुन कञ्चन कुलुङ ?
भोजपुर जिल्लाको बोखिम गाबिस हालको भोजपुर नगरपालिकाको ठुलोढुंगा भन्ने ठाँउमा बि.स २०११ साल बैशाख १० गते मातापिता स्व.सुवेदार शोभितमान र लगनसरी राईको ३ छोरा र ४ छोरीमध्ये कान्छी छोरीका रुपमा उनको जन्म भएको थियो । स्थानीय प्राथमिक बिद्यालयबाट प्रारम्भिक शिक्षा र २०२९ सालमा धरानको पब्लिक स्कुलबाट प्रबेशिका उर्तिण गरेकी उनको बि.स २०३० सालमा भोजपुरको खाटाम्मा गाबिस लिङखिमका कुमारप्रसाद राईसँग वैवाहिक बन्धनमा बाँधिएपछि उनी सोही साल बसाईसरी मोरङको बेलबारी ३ मैनावारीमा बसाईँसरी आईन । लाहुरे परिवार त्यसमाथि प्रधानपञ्च बनेका बुबाको राजनीति र समाजसेवा बाट प्रभावित भएकी उनले माईती घरबाटै राजनीति र समाजसेवामा आकर्षित भईन । घरतर्फ पनि श्रीमानले गरेको राजनीतिबाट उनी प्रभावित भईन र राजनीति र समाजसेवा दुवैप्रति आकर्षित भईन ।

राजनीतिक शुरुवात
बेलबारी आएपछि नेपाली काँग्रेस बेलबारीको कोषाध्यक्ष हुादै शुरु भएको उनको राजनीतिक जिवन बिभिन्न कालखण्डमा अलग अलग पार्टीमा आबद्ध हुँदै अगाडी बढयो । बेलबारी काँग्रेसका सभापति भएका स्व.श्रीमानको आग्रहमा केही समय राजनीति बाट ओझेल भएपनि उनले राजनीतिमा बिश्राम लिन सकिनन् । बिभिन्न पार्टीबाट उनलाई राजनीति गर्नका लागी अनुनय बिनय भएपछि उनी फेरी राजनीतिमै सक्रिय बनिन ।
बि.स २०५९ सालमा सामाजिक लोकतान्त्रिक पार्टीको केन्द्रिय सदस्य,महिला प्रमुख र आर्थिक प्रमुखको जिम्मेवारी सम्हालेकी उनले नयाँ शत्ति नेपालको केन्द्रिय सदस्य र करिब ११ महिना अघिदेखि माओबादी केन्द्रको केन्द्रिय तहमा रहेर राजनीति गरिरहेकी छिन । उनी सोही पार्टीको महिला बिभागकी केन्द्रिय सदस्य समेत हुन । कुलुङ महिला संघको केन्द्रिय अध्यक्ष र किराँत महासंघको केन्द्रिय कोषाध्यक्ष र कुलुङ संघको सल्लाहकारका रुपमा समेत सक्रिय रहेकी छिन । राष्ट्रिय सभाको सदस्यका रुपमा समेत उनको नाम अगाडी सारिएपनि उनले त्यसलाई अस्वीकार गरेकी छिन ।

समाजसेवामा सक्रिय
जन्मस्थान भोजपुर देखि देशका बिभिन्न जिल्ला र मोरङको बेलबारीमा रहेर बिभिन्न बिकास निर्माण,सडक,खानेपानी लगायत महिलाहरुको उत्थानमा बिशेष जोड दिँदै काम गरेकी उनले गरिब बस्तीमा टयुबेल निर्माण देखि बिभिन्न सामाजिक काममा आर्थिक सहयोग समेत गर्दै आएकी छिन । भारत,सिंगापुर,ईण्डोनेसिया,हङकङ लगायतको मुलुकहरुको भ्रमण गरेकी राईले नारी बिकास संघ बेलबारी,स्थानीय सामाुदायिक बन उपभोत्ता समुह र बिभिन्न शैक्षिक संस्थाहरुमा आबद्ध भएर समाजसेवा गरेकी छिन ।
२०६० सालमा आफै अध्यक्ष भएर स्थानीय भगवती माध्यमिक बिद्यालयको शैक्षिक स्तर उन्नति र भौतिक संरचना निर्माणका लागी शिवपुराण आयोजना गरेर उनले महिलाहरु पनि पुरुषहरु जत्तिकै सक्षम छन भन्ने उदाहरण समेत पेश गरेकी थिईन । त्यसयता उनी सामजिक काम र राजनीति दुबैमा सक्रिय रहेकी छिन ।

पछिल्लो राजनीतिक घटनाक्रमलाई हेर्दा आफैलाइृ आश्चर्य लाग्ने गरेको बताउने उनी स्वार्थकेन्द्रित राजनीति छोडेर जनकेन्द्रित राजनीति गर्न र जनताको मन जित्न सबैलाई सुझाब समेत दिन्छिन ।

तपाईको प्रतिक्रिया