पुल निर्माणको काम सुस्त भएको स्थानीयवासीको गुनासो

तेह्रथुम । जिल्लाको दक्षिण–पश्चिमी क्षेत्रमा अवस्थित छथर गाउँपालिकालाई सदरमुकाम म्याङ्लुङसँग जोड्ने म्याङ्लुङ–ओख्रे सडकखण्डको लम्बु खोलामा मोटरेवल पुल निर्माणको काम ढिलाइ हुँदा स्थानीयवासीलाई सास्ती भएको छ । एक वर्षअघि नै सक्ने गरी पुल निर्माणको जिम्मा लिएको ठेकेदार कम्पनीले सुस्त गतिमा मात्रै काम गरिरहेको छ ।

दुई वर्षअघि तत्कालीन जिल्ला विकास समितिले पुल निर्माणको जिम्मा हेटौँडाको सपना निर्माण सेवालाई दिएको थियो । एक वर्षभित्र सक्नेगरी रु पाँच करोड ९८ लाख ४७ हजार २६१मा कामको जिम्मा लिएको कम्पनीले अहिलेसम्म निर्माणको काम सकेको छैन । ठेक्का सम्झौताको म्याद गुज्रिएर दुईपटक म्याद थप गरिसक्दासमेत निर्माण कम्पनीले ६० प्रतिशत काममात्रै गरेको छ ।

निर्माणका लागि चाहिने सामग्री ढुवानी र वर्षाका महिनामा काम रोकिएकाले निर्माणको काम ढिलाइ भएको ठेकेदार कम्पनीले जनाएको छ । पुल निर्माणमा प्राविधिक सहयोग गरिरहेको स्विस सरकार विकास सहयोग एसडिसीअन्तर्गतको स्थानीय सडक पुल विकास कार्यक्रमका प्राविधिक अमरेन्द्र चौधरीले भन्नुभयो – “वर्षाका दिनमा काम रोकिन्छ, सडक क्षतिग्रस्त भएर खुल्न अरु केहिदिन लाग्छ, सामान ढुवानीमा समस्या भएर ढिलाइ भएको हो ।”

ठेकेदार कम्पनीका कारण पुल निर्माणमा ढिलाइ भएको ओख्रेका तुलसी तिगेलाले भन्नुभयो । यहाँका बासिन्दा पहिले धनकुटाको सिधुवा पुगेर मात्र कोसी राजमार्गबाट वसन्तपुर हुँदै सदरमुकाम म्याङ्लुङ आउने गरेका छन् । सडक निर्माण भए पनि खोलामा पुल नबन्दा अर्को जिल्ला घुमेर सदरमुकाम जानुपर्ने बाध्यता रहेको स्थानीयवासी गुनासो सुनाउँछन् ।

पुल नहुँदा सदरमुकाममा रहेका सरकारी कार्यालयका सेवा सुविधा लिन बासै बस्ने गरी जानुपर्ने अवस्था रहेको हमरजुङका वमप्रकाश लिम्बूले बताउनुभयो । पुल बनेपछि सो सडकखण्डबाट ओख्रे, सुदाप, फाक्चामारा, पञ्चकन्या, हमरजुङ, आङ्दिमलगायत गाउँका बासिन्दा लाभान्वित हुनेछन् । हाल यहाँका बासिन्दा सिधुवा–शुक्रबारे सडक भएर पूर्वी तराई र सदरमुकामतर्फ आवतजावत गर्छन् । रासस

यस तथ्यमा कसैको पनि दुईमत हुन सक्दैन कि, कुनैपनि परिवर्तनकारी पक्षको अन्तरनिहीत शक्ति उसको जनादेशको भावनामा लुकेको हुन्छ। यदि जनादेशको संरचना जातीय प्रतिनिधित्व प्रकारको छ भने जातीय हितको सम्बद्र्धन नै त्यस पक्षको मूलभूत ध्येय हुनेछ।

योगेश दाहालबाट थप

एउटा अनौठो गाउँ- जहाँ हरेक ब्यक्ति करोडपति, तर गाउँ छोड्दाको दिन रोडपति

जिप दुर्घटनामा एकको मृत्यु, पाँच घाइते

स्वास्थ्य चौकीमा औषधि अभाव

म्याग्दीमा बाख्रापालन

ट्रम्पद्धारा ‘चिफ अफ स्टाफ’ परिवर्तन

म्याजिक भ्यान पल्टियो

सिआइबीले प्याउली घट्नाको अनुसन्धान थाल्यो

जिउँदो मानिसलाई मृत भन्दै दाहसंस्कार गर्न पशुपति आर्यघाटमा पुर्‍याएपछि…(भिडियो सहित)

गाईघाट दिक्तेल सडकखण्डको बरुवा नदीमा पुल निर्माण सम्पन्न

नवलपरासीमा बस दुर्घटना हुँदा ३२ जना घाइते

तपाईको प्रतिक्रिया