सुनकोसीमा पाँचौ पटक बेलिब्रिज जडान


उदयपुर / सुनकोसी नदीमा पक्की पुल नबनेपछि पाँचौ पटक बेलिब्रिज सञ्चालनमा आएको छ । उदयपुर र खोटाङको सीमास्थल रौतामाई गाउँपालिका ५ र खोटाङको खोटेहाङ गाउँपालिका लिच्की राम्चेबीचको फोक्सिन्टारस्थित सुनकोसीमा मंसिर १७ देखि पुनर्जडान थालिएको बेलिब्रिज निर्माण सम्पन्नभएसंगै बुधबारदेखि सवारी यातायात चल्न थालेका छन् ।

बेलिब्रिज सञ्चालनमा आएसँगै खोटाङ सदरमुकाम दिक्तेल यातायातको सोझो सम्पर्कमा आएको गाईघाट–दिक्तेल सडक योजना कार्यालय गाईघाटले जनाएको छ । सडक विभागको ८१ लाख लागतमा सगरमाथा कन्स्ट्रक्सन गाईघाटले बेलिब्रिज पुनर्जडान कार्य सम्पन्न गरेको सडक योजना कार्यालयका इन्जिनियर निज्जल श्रेष्ठले बताएका छन् । श्रेष्ठले बुधवार आयोजित एक कार्यक्रमबीच बेलिब्रिजको उद्घाटन गरे ।

हरेक वर्षायाममा कोसीमा आउने बाढीबाट बचाउन वैशाख–जेठमा बेलिब्रिज खोेल्ने गरिएको छ भने हिउँद लागेपछि कात्तिक÷मंसिरमा पुनर्जडान गरेर यातायात सञ्चालन गर्ने गरिएको श्रेष्ठले बताए । गत वर्ष सोही कम्पनीले ७५ लाखमा बेलिब्रिज जडान भएको थियो । विगत वर्षको तुलनामा केही ढिला बेलिब्रिज सञ्चालनमा आएको हो । विगत वर्ष कात्तिकमै बेलिब्रिज पुनर्जडान सकेर यातायात सञ्चालनमा आएको थियो । गाईघाट–दिक्तेल सडक योजनाले यो वर्ष चाडपर्वका कारण केही ढिला हुन गएको जनाएको छ ।

‘कात्तिकमै पुनर्जडान गर्ने सुचना प्रकाशित गरिएपनि तिहार र छठले काममा ढिलाई हुन गएर केही समय ढिला हुन गएको इन्जिनियर श्रेष्ठले बताए । फोक्सिन्टारस्थित सुनकोसीमा १० वर्षअघि नै पक्की पुल बनाउने योजना भएपनि सम्बन्धित ठेकेदारले काम नगर्दा गाईघाट–दिक्तेलको मुख्य नाका मानिएको सुनकोसी तर्न बेलिब्रिजको भर पर्नुपरेको हो । बेलिब्रिज जडान र पुनर्जडान गर्न वर्षेनी डेढदेखि २ करोड हाराहारी खर्च हुने गरेको छ । ५० मिटर लामो बेलिब्रिज खोल्न र पुनर्जडान गर्न उत्तिकै खर्च हुने कन्स्ट्रक्सनका सञ्चालक प्रेमराज कार्कीले बताए ।

सुनकोसी नदीमा गएको पाँच वर्ष अघिदेखि बर्सेनि बेलिब्रिज जडान हुँदै आएको छ । पुस महिनामा जडान हुने र जेठ महिना नलाग्दै झिक्ने बेलिब्रिज जडान गरेर यस वर्ष पनि गाईघाट दिक्तेल सिधा यातयात संचालनमा आएको छ । ‘पुस लाग्दै बेलिब्रिज लगाइन्छ,’ हिमाली यातायात बस व्यवसायी केन्द्रका उपाध्यक्ष राजन ढकालले भने, ‘गाईघाट दिक्तेल सडक जोडिएको वर्षौँ भयो पुल बनेको छैन ।’

उदयपुर सदरमुकाम गाईघाटदेखि दिक्तेलसम्मको सगरमाथा लोकमार्ग तत्कालनि प्रधानमन्त्री मनमोहन अधिकारी नेतृत्वको सरकारले ०५३ सालमा सुरु गरेको हो । १ सय ३९ किलोमिटर दूरीको उक्त लोकमार्ग २४ वर्ष बितिसक्दापनि पूर्णता पाउन नसक्नुमा निर्माण कम्पनी र राज्य दुवैको कमजोरी रहेको स्थानीयको भनाई छ । फोक्सिन्टारदेखि उदयपुरतर्फको ५३ किलोमिटरमध्ये गाईघाट–साउने खण्डको १९ किलोमिटर कालोपत्रेसमेत भइसकेको छ । तर, साउनेदेखि फोक्सिन्टारसम्मको बाँकी भागमा भने स्तरोन्नति र ग्राबेल गर्ने काम भइरहेको छ ।

फोक्सिन्टारदेखि दिक्तेलसम्मको ७६ किलोमिटर दूरीको सडक भने ग्राबेल र स्तरोन्नति मात्र भइरहेको आयोजना कार्यालयले जनाएको छ । गाईघाटदेखि दिक्तेसम्मकै लोकमार्ग दोब्बर लेनको पक्की सडक बनाउने गरी काम भइरहेको सडक कार्यालयको भनाई छ । इन्जिनियर श्रेष्ठले आउँदो ०७६ असारभित्र लोकमार्गको सबै भागमा कालोपत्रेसहित निर्माण सम्पन्न गर्ने गरी काम भईरहेको बताएका छन् ।

समसामयिक बिषयमा कलम चलाउनुहुने चौधरी पूर्वेली न्युजका उदयपुर सहकर्मी हुनुहुन्छ ।

सुखिलाल चौधरीबाट थप

नौं नौं महिनामा फेरिने सरकार होइन यो : उप्रधान तथा रक्षा मन्त्री पोखरेल

गुणस्तरहिन सामग्रीको प्रयोगले बनी नसक्दै भत्किन थाल्यो पुल

हात्तिको आक्रमणबाट मृतक परिवारलाई १० लाख राहत

कसमस सिमेन्टद्वारा अवैध चुन ढुंगा उत्खन्न, लेनदेनमा कुरा नमिलेपछि वन कार्यालयद्वारा उत्खन्नमा रोक

आर्थिक नियमावली मिच्दै दिईने भुक्तानी कदापि स्वीकार्य हुँदैन : कामु महालेखा नियन्त्रक गौतम

शहरमा गाँउको कोसेली कोदो, फापर र जुनेलो

मदन भण्डारी राजमार्गमा गुणस्तरहिन काम : अलकत्रामा मट्टीतेल र मोविल मिसाएर कालेपत्रे

बाँसमै हेलेर कमाउँछ गाँस

उदयपुरमा ६ वर्षिय बालिका बलात्कार

कोशी सम्झौताको ६३ वर्ष : २२ प्रधानमन्त्री फेरिए तर, सुल्झिएन कोशी पीडितको समस्या

तपाईको प्रतिक्रिया