गुड्न थाले तेह्रथुमको गाउँ गाउँमा गाडी

तेह्रथुम /  घण्टौ लामो बाटो पैदल हिडेर यात्रा गर्दै आएका तेह्रथुमका गाउँ गाउँमा गाडी सञ्चालनमा आए सँगै नागरिकहरुलाई सहज बनेको छ । जिल्लाका सबै स्थानीय तहसम्म नियमित यातायात सेवा सञ्चालन सुरु भए सँगै यहाँका नागरिकहरुलाई सहजता बनेको हो । केही महिना अघी देखी आठराई गाउँपालिकाको केन्द्र संक्रान्तिबजारबाट सदरमुकाम म्याङलुङ हुँदै धरानसम्म सीधा बस सेवा सुरु भए सँगै जिल्लाको सबै स्थानीय तहमा बस सेवा सञ्चालनमा आएको हो ।

दुई नगरपालिका र चारवटा गाउँपालिका रहेको जिल्लाका सबै स्थानीय तहका केन्द्रबाट पूर्वी तराईसम्म सवारी सेवा सञ्चालन हुन थालेको हो । जिल्लाको मेन्छ्यायेम गाउँपालिका, फेदाप गाउँपालिका र आठराई गाउँपालिकाका केन्द्रबाट सीधै पूर्वी तराईसम्म बस सेवा सुरु भए सँगै यहाँका नागरिकहरुलाई सहज बनेको स्थानीयबासीहरुले बताउने गरेका छन ।

बस सञ्चालन सँगै जिल्लाका दुर्गम गाउँका नागरिहरुलाई यात्र गर्न सजिलो बनेको छ । उनीहरू जिरिखिम्ती बजार र सदरमुकाम म्याङलुङ आएर किनमेल गरी एकैदिन घर पुग्न सक्ने भएको  । स्थानीय भावन लिम्बुले बताईन । सवारी साधान नचल्दा पैदल यात्रा गर्दै आएका नागरिहरु गाउँमै बसबाट यात्रा गर्न पाउँदा ढंग छन । विकास र विस्तारका हिसाबले सबैभन्दा पछि रहेको यो गाउँपालिकाको केन्द्र पोक्लाबाङ बजारमा समेत अहिले चहलपहल बढेको छ ।

छथर गाउँपालिकाको हमरजुङ खैरेनदेखि सिधै झापा सम्म केहीदन अघी मात्र बससेवा सञ्चालनमा आएको छथर बस काउण्टरका उदयदिप सुब्बाले बताए । स्थानीय तहका केन्द्रसम्म पैदल हिड्दै आएका नागरिकहरु गाउँबाटै बस चढेर सेवा लिन थालेको फाक्चामारा हाक्पाराका मनु लिम्बुले बताईन । ६ स्थानीय तहमा ४३ वडा रहेको जिल्लामा अहिले सबै वडाका केन्द्रसम्म पनि सडक जोडिएको छ । गाउँ गाउँमा सडक निमार्ण सँगै जिल्लाका नागरिकहरुले बसबाटै सेवा लिन थालेका हुन गाउँमा किसानले उत्पादन गरेको कृषीजन्य सामाग्री बजार सम्म पुर्याउनका साथै दैनिक उपभोग्य सामाग्री ढुवानीमा समेत राहात मिलेको छ ।

Purbeli TV

तपाईको प्रतिक्रिया

Loading…