मिस पुर्वान्चलका सुन्दरीहरूले घण्टाघरमा गरे रक्तदान

धरान र शनिबार बिहानैदेखि धरानको भानुचौक स्थित घण्टाघर गेट बाहिर हरियो टि(सर्ट लगाएका युवतीहरु बाटोमा हिंडीरहेका मानिसहरुलाई रक्तदान को बिषयमा कुरा गर्दै रक्तदान गर्नका लागि अनुरोध गर्दैथिए । धरानमा आयोजना भइरहेको नेपालआइस नेचुरा मिस पुर्वान्चल २०१७ का सहभागी युवतीहरु शनिबारको रक्तदान कार्यकर्ममा सहभागी हुदै रक्तदान गर्न अनुरोध गर्दै थिए ।

आठ बर्ष देखि संचालन भैरहेको मिस पुर्वान्चलले आफ्नो सुरुवात देखि नै रक्तदान कार्यकर्मलाई निरन्तरता दिदै आएको छ । रक्तदान एउटा सामाजिक कार्यकर्म हो र रक्तदान जीवनदान भन्ने मन्त्रलाइ जनचेतना जगाउने अभिप्रायले यसलाई मिस पुर्वान्चल को कार्यकर्ममा समावेश गर्दै आएको आयोजक सिल्भर इन्टरटेनमेन्टका प्रबन्ध निर्देशक सौरभ श्रेष्ठले बताउनु भयो । यो बर्ष रक्तदान कार्यकर्म एन । आई । सी । एशिया बेंक लिमिटेड को सहकार्यमा गरिएको थियो । एन । आई । सी । एशिया बेंकका शाखा प्रबन्धक बिशाल श्रेष्ठले रक्तदान गर्दै सामाजिक तथा जनचेतनामूलक कार्यमा बेंकको सहभागिता रहेको बताउनुभयो । कार्यकर्ममा एन । आई । सी । एशिया बेंकका अन्य कर्मचारीहरुले पनि रक्तदान गरेका थिए ।


रक्तदाता खोज्न मा सक्रिय देखिने मिस पुर्वान्चलकि एक प्रतियोगी एजिना सिटौला यस्तो सामाजिक कार्यमा खटिनु पाउदा औधी खुसि लागेको बताउनछिन् । २ घण्टा चलेको रक्तदान मा १६ पिन्ट रगत संकलन गरिएको थियो भने सोहि समय अकस्मात बिपीके आईएचएसमा चाहिएको बी पोजिटिभ रगतका रक्तदाता तथा सिजी ग्रुपका सेल्स मेनेजर खेम कुइंकेलबाट २ पिन्ट रगत संकलन गरी पठाईएको थियो । १५ बर्ष अगाडी बाट रक्तदान गरिरहेका कुइंकेलले हाल सम्म ४६ पटक रक्तदान गरिसकेको तर यसरि इमर्जेन्सी रगत चाहिएको बिरामीलाई आफ्नो रगत दिन पाउँदा मन एकदमै आनन्दित भएको बताउछन् ।

तपाईको प्रतिक्रिया

Loading...