५ औं मिस्टर मोरङलाई सम्मान

पथरी / ५ औं मोरङ जिल्ला स्तरिय शारिरिक सुगठन प्रतियोगिताको उपाधी जित्न सफल आफ्ना खेलाडीलाई पथरी फिटनेस कल्वले सम्मान गरेको छ । शनिवार बिराटनगरमा सम्पन्न ५ औं मोरङ जिल्ला स्तरिय शारिरिक सुगठन प्रतियोगितामा पथरी फिटनेस कल्वका संजिब मगर पहिलो, अजय मल्लिक दोस्रो र योगेश लिम्बुले तेस्रो स्थान हात पारेका थिए ।

मोरङ्ग शारीरिक सुगठन तथा फिटनेस संघले ४ समुह चरणमा गरेको प्रतिष्पर्धामा पथरीशनिश्चरेले ३ बिधामा प्रथम हुदै फाइनल राउड प्रबेश गरेका थिए भने फाइनलमा प्रथम, दोस्रो र तेस्रो पथरी फिटनेस क्लवले हात परेको थियो । मगरले ७० केजि समुहमा, मल्लिकले ५५ केजि र लिम्बुले ६५ केजिमा स्वर्ण पदक जितेका थिए । मगरले ट्रफी सहित ५१ हजार, मल्लिकले २५ हजार र लिम्बुले ११ हजार रुपयाँ समेत जितेका हुन । पत्रकार सम्मेलनमा खेलाडीले आफ्नो प्रतिभा समेत प्रदशन गरेका थिए ।

खेलाडीले अथक प्रयासले मोरङ भरीका ८ क्लबका २० जना प्रतिस्पर्धीलाई पछि पार्दै उपाधि जित्न सफल भएकोमा खेलाडीहरुलाई फिटनेश क्लबका संचालक गणेश नेपालीले बधाई दिएका थिए । पत्रकार सम्मेलनमा बोल्दै पथरीशनिश्चरे १ का वडा अध्यक्ष बाबुराम एङदेनले उपाधी बिजेता खेलाडीले नगरकै शान राखेको बताए । १ बर्ष अघि पथरीबजारमा स्थापना भएको फिटनेश क्लबले खेलाडीहरुलाई प्रसाहन गर्दै संचालन भैरहेको छ ।

Purbeli TV

तपाईको प्रतिक्रिया