फ्लप फिल्मकी हिट हिरोइनको रुपमा वर्षाकाे चर्चा

काठमाडौं / केही समय अगाडि दुवईमा आयोजित फिल्म छायाछवी अनर अवार्डमा अभिनेत्री वर्षा शिवाकोटीले उत्कृष्ट अभिनेत्रीको अवार्ड हात पारिन् । ‘नाईं नभन्नू ल २’ फिल्मबाट अभिनयमा डेब्यु गरेकी वर्षको यो नै पहिलो अवार्ड भने होइन । उनले केही अन्य अवार्ड समेत थापिसकेकी छन् ।

करिब दुई दर्शन बढी फिल्म अभिनय गरेकी सिवाकोटीको फिल्मी करिअरको ग्राफ खासै सन्तोषजनक देखिन्न । लगातार फिल्म अभिनय गरेपछि ‘पशुपति प्रसाद’ बाहेक उनको अन्य फिल्मले फ्लप फिल्मको सूची बढाएको छ ।

उनी पछिल्लो समय ‘वीर वीक्रम २’मा देखिएकी थिइन् । चर्चा बढी भएको यो फिल्मले पनि राम्रो ब्यवसाय गर्न सकेन । फिल्मको प्रदर्शनपछि आफूले हिट हिरोइनको ट्याग पाउने उनको सपना थियो । त्यो सपमा फिल्मको असफलतासँगै तुहियो ।

एकपछि अर्काे गर्दै बक्सअफिसमा फिल्म फ्लप भएपनि उनको हातमा फिल्मको भने कमी छैन । उनले लगातार अभिनयमा ब्यस्त छिन् । फ्लप फिल्मको सूचीले उनको अभिनय करिअरमा कुनै असर नपरेको देखिन्छ । केही समय अगाडि हास्यकलाकार शिवहरी पौडेलको फिल्म ‘लक्का जवान’ सकाएकी वर्षाको हातमा अहिले ‘चालबाज’ र ‘सुदूर’ फिल्म परेका छन् ।

‘चालबाज’ अभिनेत्री केकी अधिकारीले व्यस्तताका कारण छोडेर पाएकी हुन्, भने ‘सुदूर’मा निर्देशक रमेश बुढाथोकीले उनलाई छानेका छन् । यी बाहेक अझै केही फिल्मको अफर उनको हातमा छ । जसको कथा अध्ययन उनी गरिरहेकी छन् । लगातार फ्लप फिल्म दिएकी बर्षा अभिनयमा भने हिट भइरहेकी छन् । उनको हातमा रहेको फिल्मको संख्याले पनि या अनुमान लगाउन सकिन्छ । सायद, त्यसैले पनि होला चलचित्र क्षेत्रमा उनलाई अचेल फ्लप फिल्मकी हिट हिरोइनको रुपमा चर्चा गर्न थालिएको छ ।
स्राेत : राताेपाटी

Loading…

तपाईको प्रतिक्रिया