पति अर्कैसँग सल्किएपछि नायिकाद्वारा आत्महत्या

नयाँदिल्ली। टेलिभिजको पर्दामा चर्चित भारतीय अभिनेत्री तथा गायिका बिदिशा बेजबरुआले दिल्लीको गुडगाउँस्थित आफ्नै घरमा झुण्डिएर आत्महत्या गरेकी छन् । २६ वर्षीया बिदिशाले सोमवार राति आत्महत्या गरेकी हुन् । बिदिशा गुडगाउँको सेक्टर ४३ स्थित एक अपार्टमेन्टमा बस्थिन् । बिदिशा ५ जुलाईमा यो फ्ल्याटमा सरेकी थिइन् ।

बिदिशा एक वर्ष अगाडि मात्रै विवाह बन्धनमा बाँधिएकी थिइन् । उनको वैवाहिक जीवन ठीक तरिकाले चलिरहेको थिएन । बिदिशा आफ्नो पतिको विवाहेत्तर सम्बन्ध (अन्य महिलासँगको सम्बन्ध)का कारण चिन्तित थिइन् । प्रहरीमा परेको उजुरीका अनुसार बिदिशाले आफ्नो श्रीमानका कारण आत्महत्या गरेको बुझिएको छ । उक्त उजुरी बिदिशाका आफन्तले दर्ता गराएका हुन् ।

 

तपाईको प्रतिक्रिया

Loading...